Ադրբեջանը կրկին ապացուցեց ուժային ճանապարհով Ղարաբաղի խնդրի լուծման իր ցանկությունը. ԼՂՀ ԱԳՆ ղեկավար
Ադրբեջանը հերթական անգամ ապացուցեց, որ դեմ է Լեռնային Ղարաբաղի հակամարտության խաղաղ կարգավորմանը, հայտարարել է Լեռային Ղարաբաղի Հանրապետության արտգործնախարար Գեորգի Պետրոսյանը՝ հանրապետության «Ազատ Արցախ» թերթին տված հարցազրույցի ժամանակ։
Մարտի 14-ին ՄԱԿ Գլխավոր Ասամբլեան ընդունել է Լեռնային Ղարաբաղի վերաբերյալ Բաքվի ներկայացրած բանաձևը` 39 «կողմ», յոթ «դեմ» ձայներով, որում Ադրբեջանը խնդրում է հաստատել Լեռնային Ղարաբաղի և հարակից տարածքների նկատմամբ իր իրավունքը։ ԵԱՀԿ ղարաբաղյան հակամարտության խաղաղ կարգավորման Մինսկի խմբի համանախագահներ ԱՄՆ-ն, Ֆրանսիան և Ռուսաստնաը «դեմ» են քվեարկել։
Նախարարի խոսքերով, ադրբեջանական կողմը, օգտվելով Հայաստանում ստեղծված ներքաղաքական իրավիճակից, իրականացնում է համալիր ծրագիր։
«Բաքվում լրջորեն մտահոգված են մի շարք երկրների կողմից Կոսովոյի անկախության ճանաչմամբ, և իրենց վարքով փորձում են ապացուցել առաջին հերթին սեփական ժողովրդին և միջազգային հանրությանը, որ Կոսովոն Լեռնային Ղարաբաղի համար նախադեպ չէ», - նշել է Պետրոսյանը։
Նախարարն ավելացրել է, որ Բաքուն անտեսում է այն փաստը, որ արդեն շատ տարիներ ընթանում է բանակցային գործընթացը, որի հիմնական սկզբունքը ԼՂՀ-ի կարգավիճակն է։
ԼՂՀ ԱԳ նախարարը կարծում է, որ ՄԱԿ-ում քննարկումների արդյունքում՝ Ադրբեջանը փաստորեն կրեց հերթական պարտությունը, չնայած փորձում է այն ներկայացնել սեփական ժողովրդին՝ որպես բարոյական հաղթանակ։-0-
