ԵՐԵՎԱՆ, 12 հունիսի. /Նովոստի–Արմենիա/. Քնեսեթը, Հայոց ցեղասպանության ճանաչման հարցը կքննարկի հունիսի 26-ի ընդլայնված նիստում, գրում է
Times of Israel–ը։
Ինչպես հայտնում է աղբյուրը, քննարկումը պետք է կայանար հունիսի 12-ին, սակայն Իսրայելի օրենսդիր մարմինը տեղափոխեց քննարկումը։
Խորհրդարանի խոսնակ Յուլի Էդելշթայնը և «Մերեց» ձախակողմյան ընդդիմադիր կուսակցության առաջնորդ Թամար Զանդբերգը պայմանավորվածություն են ձեռք բերել Հայոց ցեղասպանության ճանաչման քննարկումն անցկացնել Թուրքիայում հունիսի 24-ին կայանալիք ընտրություններից հետո։
Загружается новость ...
"Право"
Ընտրությունների արդյունքում Թուրքիան կդառնա նախագահական երկիր:
Իսրայելի Քնեսեթի ատգամավորները մայիսի 24–ին 16 կողմ ու 10 դեմ ձայների հարաբերակցությամբ հավանություն էին տվել Թամար Զանդբերգի առաջարկությանը` օրակարգում ընդգրկել լ Հայոց ցեղասպանության պաշտոնական ճանաչման հարցը։
Հիշեցնենք, որ Իսրայելի խորհրդարանում բազմիցս բարձրացվել է Հայոց ցեղասպանության ճանաչման հարցը: Այսպես, 2018 թ.-ի փետրվարի 18-ին Քնեսեթը մերժել էր Հայոց ցեղասպանության ճանաչման մասին օրինագիծը, որը ներկայացրել էր «Եշ Աթիդ» կուսակցության առաջնորդ Յայիր Լափիդը:
Թուրքիայում կայանալիք ընտրությունների արդյունքներով ուժի մեջ կմտնեն 2017 թվականի ապրիլի հանրաքվեում ընդունված Սահմանադրության փոփոխությունները։ Մասնավորապես, Թուրքիայի խորհրդարանում պատգամավորների թիվը 550–ից կհասնի 600–ի։ Վարչապետի պաշտոնը վերանում է։ Գործադիր իշխանության ղեկավար կդառնա նախագահը, ով կնշանակի նախարարներին։ Խորհրդարանը կզրկվի կառավարության գործունեությունը վերահսկելու հնարավորությունից, բայց կարող է դիտարկել նախագահին իմպիչմենթ հայտարարելու պահանջը, եթե դրան կողմ լինի 600 պատգամավորից ոչ պակաս, քան 301–ը։ Իմպիչմենթի քվեարկությունն անցկացվում է մեկ ամսվա ընթացքում գաղտնի քվեարկության միջոցով։
Իմպիչմենթ հայտարարելու համար անհրաժեշտ է պատգամավորների ընդհանուր թվի երեք հինգերորդ (361 խորհրդարանական) մասի սատարումը։ -0-
