ԵՐԵՎԱՆ, 10 ապրիլի. /Նովոստի–Արմենիա/. ՀՀ 4-րդ նախագահ Արմեն Սարգսյանի աշխատակազմի արարողակարգի բաժնի նոր պետ է նշանակվելու առաջիկայում։
Ինչպես հայտնում է «Հրապարակ» թերթը, այդ պաշտոնում կնշանակվի Հունաստանում Հայաստանի դեսպան Ֆադեյ Չարչօղլյանը, ով այս օրերին Հայաստանում է։
Գրառման մեջ նշվում է, որ Չարչօղլյանը եղել է նաև 2-րդ և 3-րդ նախագահների արարողակարգի պետը 2005-2010 թվականներին։
Загружается новость ... "Лево"
«Նա երկար տարիներ աշխատել է ԱԳՆ-ում՝ զբաղեցնելով տարբեր պաշտոններ, եղել է հյուպատոս Եգիպտոսում, դեսպան՝ Քուվեյթում, Օմանում, իսկ 2016-ից Հունաստանում է»,– նշում է պարբերականը։
Ֆադեյ Չարչօղլյանը ՀԽՍՀ Մինիստրների խորհրդի նախագահ Ֆադեյ Սարգսյանի թոռն է, ՀՀ գլխավոր բժշկական գենետիկ Թամարա Սարգսյանի որդին»,-գրում է թերթը: -0-