ԵՐԵՎԱՆ, 29 հոկտեմբերի./Նովոստի-Արմենիա/. Հայկական կողմն ադրբեջանական ագրեսիայի հետևանքով ՀԱԿՊ դիմելու անհրաժեշտություն դեռևս չի տեսնում, հինգշաբթի՝ հոկտեմբերի 29-ին ԱԺ-ում ճեպազրույցների ընթացքում հայտնել է իշխող «Իմ քայլը» խմբակցության պատգամավոր Անդրանիկ Քոչարյանը:
Նրա ոսքով, չնայած Ադրբեջանի կողմից առանձին սադրանքներին և Հայաստանը ավելի լայնամասշտաբ տարածաշրջանային պատերազմի մեջ ներքաշելու փորձերին, ՀԱՊԿ դիմելու անհրաժեշտություն չկա:
«ՀԱՊԿ-ին դիմելու խնդիր կարող է չլինել էլ։ Եթե դրանք լինեն բարբերաբար կրկնվող, այլ հարց։ Գիտեք, որ Մեղրիում նաև սահմանապահ զորքեր են տեղակայված, և հրետակոծվում է ոչ միայն Հայաստանի տարածքը, այլ նաև Ռուսաստանի պաշտպանական կառույցները։ Եվ այստեղ այդ խնդիրը կառաջանա, եթե դրանք լինեն արդեն շատ նկատելի թիրախային»,- նշել է Քոչարյանը։-0-