ԵՐԵՎԱՆ, 5 նոյեմբերի. /Նովոստի–Արմենիա/. Զինվորական հետախույզի օրն է նշվում հինգշաբթի Հայաստանում։
«Զինված ուժերի հետախուզության ստորաբաժանումներն անցել են կազմավորման ու կայացման դժվարին ճանապարհ: Արցախյան հերոսամարտի տարիներին հետախուզության ստորաբաժանումները պատվով կատարել են առաջադրված խնդիրները, և բազմաթիվ հետախույզների սխրանքի ու հերոսության շնորհիվ է նաև կերտվել մեր հաղթանակը»,– ասվում է Պաշտպանության նախարարության հայտարարությունում։
Գերատեսչությունում ընդգծել են, որ այսօր ՀՀ ԶՈւ հետախուզության ստորաբաժանումները հաստատակամ քայլերով ամրապնդում են իրենց մարտունակությունը, հարստացել է ուսումնական և նյութատեխնիկական բազան:
«Արձանագրված ձեռքբերումներով ու նվաճումներով ԶՈւ հետախուզությունն այսօր կայացած կառույց է և իր կարևորագույն տեղն է զբաղեցնում մյուս զորատեսակների շարքում: Զինված ուժերի հետախուզական ստորաբաժանումները հմտորեն շարունակում են իրենց չափազանց կարևոր գործը և օրստօրե կատարելագործում են մարտական պատրաստվածությունն ու վարպետությունը»,– ասվում է հաղորդման մեջ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում