ԵՐԵՎԱՆ, 14 փետրվարի. /Նովոստի–Արմենիա/. Հայաստանը չի հայտնվի ամերիկյան պատժամիջոցների թիրախում Մոսկվայից սպառազինության գնումների պատճառով։ Այդ մասին չորեքշաբթի հայտնեց Գլոբալիզացիայի և տարածաշրջանային վերլուծական կենտրոնի տնօրեն Ստեփան Գրիգորյանը։
«Մենք, անկասկած, պետք է հետևենք Ռուսաստանի դեմ ամերիկյան պատժամիջոցների շուրջ իրադարձությունների զարգացումներին, քանի որ դրանք այս կամ այն կերպ կարող են անդրադառնալ Հայաստանի վրա։ Սակայն, ինչ վերաբերում է այդ պատժամիջոցների փաթեթին, ապա կարծում եմ, որ Հայաստանի կողմից ռուսական զենքի գնումների ծավալն այնքան փոքր է, որ այն չի հայտնվի «սպառազինության էական ծավալների» պարամետրերի ներքո»,– ասաց Գրիգորյանը։
Փորձագետի կարծիքով, պատժամիջոցների այդ փաթեթը պաշտոնական Մոսկվայի դեմ ունի ռազմավարական ուղղվածություն և լուծում է Ռուսաստանի` այն շուկաներից բացառելու հարցը, որտեղ Միացյալ Նահանգներն ավանդաբար զենք են մատակարարել։
Загружается новость ...
"Право"
«Վերջին տարիներին Ռուսաստանն ավելացրել է իր սպառազինության արտահանման ծավալները ողջ աշխարհով։ Ռուսաստանին հաջողվել է մտնել, օրինակ, Թուրքիայի և Սաուդյան Արաբիայի շուկաներ, որոնք ավանդաբար եղել են ԱՄՆ–ի ենթակայության ներքո։ Եվ իր պատժամիջոցներով ամերիկացիները փորձում են դուրս հանել Ռուսաստանին այդ շուկաներից»,– ասաց Գրիգորյանը։
Սակայն, փորձագետի կարծիքով, պարզ չէ, թե կազդեն այդ պատժամիջոցներն արդյո՞ք «Ռոսոբորոնէքսպորտ»–ի վրա, քանի որ վերջին տարիներին սպառազինության արտահանումը միայն աճում է։
Միայն 2017 թվականին ամերիկյան պատժամիջոցների պայմաններում «Ռոսոբորոնէքսպորտ»–ը ստորագրել է մոտ 15 մլրդ գումարի պայմանագրային փաստաթղեր աշխարհի 53 երկրների պատվիրատուների հետ։ -0-