ԵՐԵՎԱՆ, 19 դեկտեմբերի․ /Նովոստի-Արմենիա/․ Եթե այսպես շարունակվի, Հայաստանը աշխարհի քաղաքական քարտեզից կվերանա, շաբաթ օրը Ազատություն հրապարակում ընդդիմության հանրահավաքում նշեց «Հայրենիքի փրկության շարժման» վարչապետի թեկնծու Վազգեն Մանուկյանը:
Նրա կարծիքով Արցախում պատերազմ կարող էր չլինել․ «Կամ մեծ տգիտություն, կամ մեծ դավաճանություն էր պետք բոլոր բանակցությունները տապալելու, բոլոր դաշնակիցներին կորցնելու, դիմացցինին գրգռելու համար:
Նա նշեց, որ եթե նույնիսկ Հայաստանը պատրաստ չէր պատերազմի, ծայրահեղ դեպքում կարելի էր շուտ կնքել այդ պայմանագիրը, շուտ ավարտել պատերազմը և երկիրը, նրա խոսքով, կունենար քիչ կորուստներ: «և հազարավոր երիտասարդներ, ովքեր այժմ Եռաբլուրում են, կվերադառնային իրենց ընտանիքներ»:
«Դա չարվեց։ Մենք ինչ վիճակում հայտնվեցինք՝ անտերություն, անիշխանություն, պատերազմը չկա, բայց մենք շարունակում ենք տալ և տալ (տարածքներ): Եթե այսպես շարունակվի, Հայաստանը կամ աշխարհի քարտեզից կվերանա, կամ կդառնա այնպիսի մի խղճուկ կբան, որին ոչ մեկն ուշադրություն չի դարձնի: Այդպիսի պետությունը չի կարողանա նաև իր ժողովրդի բարեկեցությունն ապահովել: Մենք հիմա գլորվում ենք այդ ճանապարհով»,-հայտարարեց Վազգեն Մանուկյանը։
Այսօր ընդդիմության ներկայացուցիչները հերթական հավաքն են անցկացնում Երևանի կենտրոնում՝ պահանջելով ՀՀ վարչապետ Նիկոլ Փաշինյանի հրաժարականը:
Վերջին շաբաթվա ընթացքում ընդդիմությունն ամեն օր «Արժանապատվության երթեր» էր անցկացնում Երևանում, որի ընթացքում մասնակիցները իրենց պահանջները հայտնեցին Հայաստանի գլխավոր դատախազությանը`« Դավաճանություն» հոդվածով կալանավորել Հայաստանի ներկայիս վարչապետ Նիկոլ Փաշինյանին: Կազմակերպիչները հայտարարեցին, որ երթերը կշարունակվեն այնքան ժամանակ, քանի դեռ Փաշինյանը չի լքել Հայաստանի վարչապետի պաշտոնը:-0-