Գործընթացը նորմալ շարունակվում է․ հստակ ժամկետների մասին չեմ կարող ասել․ ԱԳ փոխնախարարը՝ Հայաստան–Ադրբեջան խաղաղության համաձայնագրի ստորագրման մասին
26.11.2025,
15:28
Մեծ հույս ունենք, որ Հայաստան–Ադրբեջան խաղաղության համաձայնագիրը ապագայում կստորագրվի, հայտարարել է ՀՀ ԱԳ փոխնախարար Մնացական Սաֆարյանը լրագրողների հետ ճեպազրույցում՝ ընդգծելով, որ հստակ ժամկետների մասին ոչինչ չի կարող ասել
ԵՐԵՎԱՆ, 26 նոյեմբերի․/Նովոստի–Արմենիա/․ Մեծ հույս ունենք, որ Հայաստան–Ադրբեջան խաղաղության համաձայնագիրը ապագայում կստորագրվի, հայտարարել է ՀՀ ԱԳ փոխնախարար Մնացական Սաֆարյանը լրագրողների հետ ճեպազրույցում՝ ընդգծելով, որ հստակ ժամկետների մասին ոչինչ չի կարող ասել։
«Խաղաղության գործընթացի մասին մանրամասն անդրադարձ կատարվել է մեր նախարարի կողմից հենց ԱԺ-ում իր ելույթի ընթացքում։ Ես այս փուլում հավելյալ որևէ բան չէի ավելացնի»,-ասաց Սաֆարյանը։
Փոխնախարարն անդրադարձավ նաև սահմանազատման գործընթացին՝ նշելով, որ պրոցեսն իրականացվում է երկու երկրների սահմանազատման հանձնաժողովների ղեկավարների կողմից, և իրենք միշտ հաղորդագրությունների միջոցով տարածում ենք այն ամենն, ինչ կատարվում է գործընթացում։
Պատճենել հղումը
