ԵՐԵՎԱՆ, 14 հոկտեմբերի./Նովոստի–Արմենիա/. Հայաստանը կոչ է անում բոլոր գործընկերներին զերծ մնալ սպառազինությունների մրցավազքին կամ տարածաշրջանում լարվածության աճին անուղղակիորեն նպաստող քայլերից։ Այդ մասին հայտնեց երկուշաբթի ԱԳՆ մամուլի խոսնակ Աննա Նաղդալյանը ճեպազրույցում` պատասխանելով Ադրբեջանին Ֆրանսիայի կոցմից զենքի մատակարարումների մասին հարցին։
Մի շարք եվրոպական երկրներ և ԱՄՆ–ն էմբարգո են սահմանել Ադրբեջանին և Հայաստանին սպառազինության վաճառքի նկատմամբ 1990–ականների սկզբից ղարաբաղյան հակամարտության կապակցությամբ։ 2018 թվականի ամռանն ադրբեջանական մամուլի, հղում անելով ռազմական աղբյուրներին, ասել է, որ պաշտոնական Փարիզը հանել է Ադրբեջանին պաշտպանական նշանակության ռազմական արտադրանքի վաճառքի արգելքը։
«Մենք հնարավոր քայլերն ենք ձեռնարկել այդ ուղղությամբ, և Ֆրանսիան բացառություն չէ»,– ասել է նա։
Загружается новость ... "Лево"
2019 թվականի փետրվարի 5–ին երկրի նախագահ Էմանուել Մակրոնը նշել է, որ Ֆրանսիան, ի տարբերություն այլ պետությունների, միակ երկիրն է, որը խստորեն պահպանում է էմբարգոյի իր պաչտավորությունները, և Փարիզը երբեք չի վաճառի Բաքվին զենք, որը կարող է օգտագործվել Արցախում։
Այնուամենայնիվ, արդեն 2019 թվականի հունիսին հայտնի դարձավ, որ Ֆրանսիան երրորդ երկրների միջոցով Ադրբեջանին սպառազինություն է մատակարարում, մասնավորապես, փոքր շառավղի գործողությամբ ֆրանսիական ԶՀՀ–ներ։
Նաղդալյանի խոսքով, Ադրբեջանին զենքի վաճառքի թեման մշտապես լինելու է հայկական դիվանագիտության օրակարգում, քանի որ այդ քայլերը կարող են ապակայունացնել տարածաշրջանի դրությունը։ -0-