ԵՄ–ի հետ գործընկերության համաձայնագիրն ուղղվել է վավերացման

ԵՐԵՎԱՆ, 28 դեկտեմբերի. /Նովոստի–Արմենիա/. Հայաստանի կառավարությունը հինգշաբթի հավանություն է տվել 2017 թվականի նոյեմբերի 24–ին ստորագրված ԵՄ–ի հետ համապարփակ և ընդլայնված, ինչպես նաև Եվրոպական միության և Ատոմային էներգիայի եվրոպական համայնքի ու դրանց անդամ պետությունների՝ մյուս կողմից միջև համապարփակ և ընդլայնված գործընկերության համաձայնագրին։

Ինչպես նշեց Հայաստանի արտաքին գործերի նախարար Էդվարդ Նալբանդյանը, ներկայացնելով փաստաթուղթը, այդ շրջանակային համաձայնագիրը Հայաստան–ԵՄ փոխհարաբերությունները բարձրացնում է գործընկերային նոր մակարդակ և կոչված է կարգավորել դրանք հետագա տարիներին։


Նախարարի խոսքով, համաձայնագրի դրույքները հաշվի են առնում Հայաստանի պարտավորություններն ինտեգրացիոն ձևաչափերի շրջանակում։

«Համաձայնագիրը կարգավորում է Հայաստան–ԵՄ քաղաքական երկխոսությունը, տնտեսական և առևտրային փոխհարաբերությունները, տարբեր ոլորտների գործակցությունը, խրախուսում է քաղաքական և տնտեսական բարեփոխումների շարունակության ապահովումը»,– ասաց Նալբանդյանը, ավելացնելով, որ համաձայնագիրը հաստատումից հետո կուղղվի վավերացման։

Հայաստանի և Եվրամիության համապարփակ և ընդլայնված գործընկերության համաձայնագիրը ստորագրվել է նոյեմբերի 24–ին Եվրամիության «Արևելյան գործընկերության» ծրագրի հինգերորդ գագաթնաժողովում Հայաստանի նախագահ Սերժ Սարգսյանի և Եվրոպայի խորհրդի նախագահ Դոնալդի Տուսկի ներկայությամբ։

Համաձայնագիրն ուժի մեջ կմտնի նրանից հետո, երբ ԵՄ–ի 28 անդամ երկրները և Հայաստանը վավերացնեն այն։ -0-