416.07
6.39
395.2
+4
Եղանակը Երևանում
Հայ

ՀԿԵ-ն արդյունավետ աշխատանքի է պատրաստվում հաջորդ տարի

16:33
27 Դեկտեմբերի 2013

«Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը դեկտեմբերի 27-ին կայացած խորհրդակցության ընթացքում ամփոփեց 2013 թվականի արդյունքները՝ նշելով առաջիկա ծրագրերը, ինչպես նաև պարգևատրեց մեծ ձեռքբերումներն արձանագրած աշխատողներին, հաղորդում է ընկերության մամուլի ծառայությունը:

«Առաջին հերթին ցանկանում եմ նշել 2013 թվականին երկաթուղու կյանքում  տեղի ունեցած առավել ակնառու իրադարձությունները: Այս տարի մենք ավարտել ենք Գյումրու երկու խոշոր հանգույցների վերակառուցումը՝ հանդիսավոր կերպով բարձրաստիճան հյուրերի ներկայությամբ շահագործման հանձնելով լոկոմոտիվային ու վագոնավերանորոգման դեպոները: Շահագործման է հանձնվել նաև Թումանյան կայարանն, իսկ աշնանային զննումը ցույց տվեց կայարանի աշխատանքի արդյունավետությունը: Այս տարի առաջին անգամ մենք նշեցինք Երկաթուղայինի օրը Գյումրիում, ինչը քաղաքի բնակիչներին ու Գյումրու երկաթուղային հանգույցի աշխատողներին թույլ տվեց ոչ թե տոնակատարությունների հյուրեր, այլ ընդունող կողմ լինել: Այդ տոնի ժամանակ Գյումրիում բացվեց նաև երկաթուղային տեխնիկայի թանգարանը», - նշեց գլխավոր տնօրենը:

Վառ իրադարձությունների շարքում Վիկտոր Ռեբեցը նշեց նաև անցումն աշխատանքի խրախուսման նոր համակարգին, Գործնական վարվելակարգի կանոնակարգի ընդունումը, համազգեստի ներդրումը, ԱՊՀ երկրների երկաթուղային վարչությունների փոխադրումների տնտեսությունների ղեկավարների խորհրդակցության անցկացումն Երևանում:

Ինչպես նշեց Ընկերության ղեկավարը, ՀԿԵ բեռնափոխադրումների ծավալը 2013-ին կազմել է 3,3 մլն տոննա, ինչը 4,3%-ով պակաս է անցյալ տարվա ցուցանիշից: Վիկտոր Ռեբեցն ընդգծեց, որ երկաթուղային բեռնափոխադրումների նվազումը մեծ մարտահրավեր է ընկերության համար, և ՀԿԵ-ն աշխատում է նման երևույթները հարթեցնելու ուղղություններով:

Միևնույն ժամանակ գլխավոր տնօրենը նշեց, որ երկաթուղու աշխատանքի որակական ցուցանիշները ցուցադրում են բարելավման միտումներ: Մասնավորապես դա վերաբերում է վագոնի մեկ բեռնատար գործողության տակ գտնվելու, տրանզիտային վագոնի պարապուրդի ցուցանիշներին: Նաև 4,2%-ով աճել է լոկոմոտիվի արտադրողականությունը, 6,6%-ով՝ լոկոմոտիվի վազքը, 8,5%-ով կամ 2,5 կմ/ժամում աճել է տեղմասային արագությունը, իսկ վագոնի շրջանառությունը կրճատվել՝ մինչև 3,1 օր:

 Անդրադառնալով գնացքների երթևեկության գրաֆիկին՝ Վիկտոր Ռեբեցն ընդգծեց, որ թեև միգազգային, մերձքաղաքային և բեռնատար գնացքների գրաֆիկները  համապատասխանաբար կազմում են 96,4%, 99,1% և 98,3%, այնուամենայնիվ պետք է ձգտել բացարձակ 100% ցուցանիշի:

 «Բավարարվածությամբ կարելի է նշել, որ երկաթուղայինների միջին ամսական աշխատավարձը կազմում է 196,348 դրամ, ինչը 9.4 % գերազանցում է 2012 թ. ցուցանիշը: Երկաթուղայինների աշխատավարձի աճի տեմպերը գերազանցում են երկրի տնտեսության ու պետական հատվածի բնագավառում նման ցուցանիշները: Ընդ որում, աշխատանքի արտադրողականությունը բարձրացել է 8.8%-ով», - ասաց ընկերության գլխավոր տնօրենը:

 Ինչ վերաբերում է գնացնքների անվտանգ երթևեկության հարցին, ապա ՀԿԵ ղեկավարն ընդգծեց, որ 2013 թ. աշխատանքների խոտանի նվազեցման միտումը ոչինչ է՝ համեմատ 3 խոշոր վթարների՝ հանձնարարելով աշխատանքներ տանել այդ ուղղությամբ:

 2014 թ. առաջին ամսվա առաջադրանքների շարքում գլխավոր տնօրենը նշեց մասնավորապես ներդրումային ծրագրի իրագործումն, ընկերության շահութաբերության ապահովումը, փոխադրումների պլանի կատարումը:

 Խորհրդակցության ավարտին Վիկտոր Ռեբեցը «Բարձր էթիկայի և տեխնոլոգիայի  ձեռնարկություն» կոչումը շնորհեց ուղևորափոխադրումների տնօրինությանը, իսկ տարվա լավագույն գծային-կայարանային միավորումը հայտարարվեց Գյումրու ԳԿՄ-ն: Տարվա լավագույն կայարաններն՝ ըստ ղեկավարի, ճանաչվեցին Վանաձորը, Կարմիր բլուրը և Զոդը:

 Երկաթուղայինների մի մեծ խմբի տոնական մթնոլորտում շնորհվեց շնորհակալագրեր և պատվոգրեր՝ աշխատանքում հաջողությունների և բարեխիղժճ աշխատանքի համար, տրվեցին դասային աստիճաններ:

«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերություն և իրականացնում է «Հայկական երկաթուղիներ» ՓԲԸ-ի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով:--0--

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
22:22
02 Դեկտեմբերի 2022
Հայաստանը համաձայնել է Ռուսաստանի առաջարկին՝ Լեռնային Ղարաբաղի կարգավիճակի հարցը թողնել հետագային. Աղաջանյան
Էդուարդ Աղաջանյանը հայտարարել է, որ Հայաստանը համաձայնել է Ռուսաստանի առաջարկին՝ Լեռնային Ղարաբաղի կարգավիճակի հարցը թողնել հետագային
21:24
02 Դեկտեմբերի 2022
ԱՄՆ-ն ամենաբարձր մակարդակում ներգրավված և աջակցում է հայ-ադրբեջանական ուղիղ բանակցություններին. ԵԱՀԿ ՄԽ ամերիկացի համանախագահ (ՎԻԴԵՈ)
ԵԱՀԿ ՄԽ ամերիկացի համանախագահն ասում է, որ ԱՄՆ հանձնառու է Հարավային Կովկասի տարածաշրջանում խաղաղ ապագայի ապահովմանը. ՎԻԴԵՈ
00:45
02 Դեկտեմբերի 2022
Հայաստանն ու Հունգարիան պայմանավորվել են վերականգնել լիարժեք դիվանագիտական հարաբերությունները
Հայաստանն ու Հունգարիան պայմանավորվել են վերականգնել լիարժեք դիվանագիտական հարաբերությունները
12:39
01 Դեկտեմբերի 2022
ՀՀ ԱԳՆ-ն մեկնաբանել է հայ-թուրքական քննարկումներում «դրական տեդաշարժի» մասին Թուրքիայի նախագահի մամուլի խոսնակի հայտարարությունը
Թուրքիայի նախագահի մամուլի խոսնակ Իբրահիմ Քալընը հայտնել էր, որ երկու երկրների ներկայացուցիչները եղել են սահմանի երկու կողմում ու անգամ ճաշել Հայաստանի տարածքում
16:51
30 Նոյեմբերի 2022
Լավրովը Բայրամովի հետ հաջորդ շաբաթ կքննարկի Հայաստանի և Ադրբեջանի հարաբերությունները
ՌԴ արտգործնախարար Սերգեյ Լավրովը Ադրբեջանի իր գործընկեր Ջեյհուն Բայրամովի հետ կքննարկի Հայաստանի և Ադրբեջանի հարաբերությունների կարգավորման հարցը
20:57
29 Նոյեմբերի 2022
ԵԱՀԿ ՄԽ ԱՄՆ համանախագահ Ֆիլիպ Ռիքերը կայցելի Երևան
ԵԱՀԿ Մինսկի խմբի ԱՄՆ համանախագահ, կովկասյան բանակցություններում ԱՄՆ ներկայացուցիչ Ֆիլիպ Ռիքերն Ադրբեջանից կմեկնի Թբիլիսի, այնտեղից էլ՝ Երևան
14:25
29 Նոյեմբերի 2022
Վահե Հակոբյանը և նրա «Վերածնվող Հայաստան» կուսակցությունը դադարեցնում են գործունեությունը ԱԺ-ում
Վահե Հակոբյանը և նրա «Վերածնվող Հայաստան» կուսակցությունը դադարեցնում են գործունեությունը ԱԺ-ում
09:52
29 Նոյեմբերի 2022
Բաքուն պատասխանել է խաղաղության պայմանագրի շուրջ Երևանի առաջարկներին. Միրզոյան
Բաքուն պատասխանել է խաղաղության պայմանագրի շուրջ Երևանի առաջարկներին
19:22
28 Նոյեմբերի 2022
Որևէ հնարավոր էսկալացիայի պատասխանատվությունը այս գլխից Ադրբեջանի նախագահը վերցնում է իր վրա. Միրզոյան
ՀՀ ԱԳ նախարարը հայտարարել է, որ որևէ հնարավոր էսկալացիայի պատասխանատվությունը այս գլխից Ադրբեջանի նախագահը վերցնում է իր վրա
12:46
28 Նոյեմբերի 2022
Ի՞նչ օգնություն է առաջարկում ՀԱՊԿ-ը Հայաստանին. գլխավոր քարտուղարը մանրամասնել է (ՎԻԴԵՈ)
Ի՞նչ օգնություն է առաջարկում ՀԱՊԿ-ը Հայաստանին. գլխավոր քարտուղարը մանրամասնել է. ՎԻԴԵՈ
00:02
26 Նոյեմբերի 2022
Պուտինն առաջարկել է ԱԽ մասնակիցներին քննարկել ՀԱՊԿ երևանյան գագաթնաժողովը և նրա հանդիպումը Փաշինյանի հետ
Պուտինն առաջարկել է ԱԽ մասնակիցներին քննարկել ՀԱՊԿ երևանյան գագաթնաժողովը և նրա հանդիպումը Փաշինյանի հետ