ԵՐԵՎԱՆ, 5 դեկտեմբերի. /Նովոստի–Արմենիա/. Հայաստանի հանրապետական կուսակցության պատգամավորի թեկնածու Դավիթ Շահնազարյանը հայտնեց Ազգային անվտանգության ծառայության կողմից քաղաքական հետապնդման մասին։
Ավելի վաղ ԱԱԾ–ն հայտարարություն է տարածել, որ Շահնազարյանը չորեքշաբթի հրավիրվել է գորատեսչություն «Իմ քայլը» դաշինքի պատգամավորի թեկնածու Սասուն Միքայելյանի` նոյեմբերի 27–ին արած հայտարարության վերաբերյալ մեկնաբանությունների շուրջ ցուցմունք տալու համար։
Загружается новость ...
"Право"
«Նախօրեին ժամը 11։00–ին ինձ հրավիրեցին ԱԱԾ, ես ասացի, որ ինձ հարմար չէ, կգամ ժամը 13։00–ին։ Իսկապես պատրաստվում էի գնալ այնտեղ, բայց ԱԱԾ հաղորդումից հետո այդ ամենն իմաստը կորցրեց։ Պատրաստվում էի ասել ԱԱԾ–ում, որ այդ ամենը համարում եմ քաղաքական հետապնդում, հրահանգ, որը տվել է արձակուրդում գտնվող Հայաստանի վարչապետի պաշտոնակատարը, և հեռանալ»,– ասաց Շահնազարյանը։
Նա զարմանք արտահայտեց, որ իրեն ԱԱԾ են հրավիրել ոչ թե նոյեմբերի 27–ին, այլ միայն երեկ և կապել են դա նախօրեին վարչապետի պաշտոնակատարի` նախօրեին արած հայտարարությունների հետ։
Նախօրեին Փաշինյանն ասել է լրագրողներին, որ կան մարդիկ, ովքեր հեղափոխությունն անվանում են Արցախի դեմ դավադրության ծրագիր։ Նրա խոսքով, այդ իրավիճակում համապատասխան մարմինը, տվյալ դեպքում` ԱԱԾ–ն, պետք է իր մոտ հրավիրի այդ մարդկանց և բացատրություն պահանջի։
«Այսօր Հայաստանում իրավապահ մարմիններ կան` դրանք ռեպրեսիվ կառույցներ են, որոնք որևէ կապ չունեն պետության հետ և պաշտպանում են միայն Փաշինյանի շահերը»,– ասում է Շահնազարյանը։
Նրա խոսքով, այս ամբողջ գործընթացն ուղղված է ՀՀԿ–ի օգտին քվեարկել պատրաստվող մարդկանց վախեցնելուն։ -0-