ԵՐԵՎԱՆ, 30 հոկտեմբերի./Նովոստի-Արմենիա/. ՌԴ նախագահ Վլադիմիր Պուտինը Հայաստանի և Ադրբեջանի առաջնորդների հետ քննարկում է ԼՂ հակամարտության կարգավորմանը վերաբերող հարցերի լայն շրջանակ: Այս մասին ուրբաթ օրը լրագրողներին հայտնել է ՌԴ նախագահի խոսնակ Դմիտրի Պեսկովը, հաղորդում էՏԱՍՍ-ը:
Մեկնաբանելով ՀՀ վարչապետ Նիկոլ Փաշինյանի խոսքերը, ով կողմ է հանդես եկել Լեռնային Ղարաբաղում ռուս խաղաղապահների ներկայությանը, Կրեմլի ներկայացուցիչն ընդգծել է, որ «ցանկացած խաղաղապահներ հակամարտության գոտի են մուտք գործում երկու կողմերի համաձայնությամբ»:
Հարցին, թե պատրաստ է արդյոք Ռուսաստանը հակամարտության գոտի ուղարկել ր խաղաղապահներն, եթե Ադրբեջանը համաձայն լինի, Պեսկովն ասել է. «Այստեղ ես նման էվենտուալ դատողությունների այս պահին չէի տրվի»:
«Նախագահի շփումներում Բաքվի և Երևանի իր գործընկերների
հետ շոշափվում է հնարավոր կարգավորման հետ կապված հարցերի լայն շրջանակ»,- ընդգծել
է նա՝ պատասխանելով հարցին, թե արդյոք ռուս առաջնորդը Հայաստանի և Ադրբեջանի
առաջնորդների հետ քննարկել է ԼՂ-ում ՌԴ խաղաղապահ առաքելության հնարավորությունը:
-0-