ԵՐԵՎԱՆ, 22 նոյեմբերի․ /Նովոստի-Արմենիա/․ «Ադեկվադ» միաբանության հիմնադիր Արթուր Դանիելյանն ազատ արձակվեց ձերբակալվածների պահման վայրից: Նա ձերբակալվել էր դեկտեմբերի 20-ին՝ վարչապետի հրաժարականի պահանջով քաղաքացիական անհնազանդության ակցիային մասնակցելու ժամանակ։
Միաբանության Facebook-յան էջում հրապարակած տեսանյութում Դանիելյանը նշել է, որ պետք է գնան Քննչական կոմիտե:
«Հարգելի աշխատակիցներին ցտեսություն եմ մաղթել, որովհետև ինչ-որ բան ինձ հուշում է, որ շուտով նորից այստեղ կհայտնվենք:»,- ասել է Դանիելյանը:
Դանիելյանի պաշտպան Տիգրան Աթանեսյանը հավելել է, որ Արթուր Դանիելյանին ձերբակալությունից ազատելը տարօրինակ է եղել:
Загружается новость ... "Лево"
«Դատավորը 16 ժամ գտնվել է խորհրդակցական սենյակում, այսինքն՝ դա արվել է հատուկ, որ ցույց տան, թե Արթուրին երկար պահեցին, բայց ամենազավեշտալին այն է, որ անգամ կայացված որոշումը չէր կատարում: Մենք ստիպված այսքան սպասեցինք, որ քննիչն իր գրությամբ ազատի Արթուրին»,- ասել է նա:
Փաստաբանն ընդգծել է, որ նույն դատավորն է քննելու հայտնի Ալեն Սիմոնյանի հետ կապված գործը:
«Մենք դիմելու ենք ԲԴԽ-ին պատասխանատվության ենթարկելու այդ դատավորին՝ նման անթույլատրելի վարքագծի համար, ինչպես նաև ինքնաբացարկի միջնորդություն ենք հայտնելու մյուս գործով»,- ասել է նա:
Հիշեցնենք, որ Արթուր Դանիելյանը ձերբակալվել էր օրենքով սահմանված կարգի խախտմամբ հավաքներ կազմակերպելու և անցկացնելու մեղադրանքով:-0-
