ԵՐԵՎԱՆ, 20 մայիսի./Նովոստի–Արմենիա/. Արցախի նախագահի աշխատակազմի Տեղեկատվության գլխավոր վարչության պետ Դավիթ Բաբայանը չի բացառել Բակո Սահակյանի հանդիպման հավանականությունը Հայաստանի ԱԺ «Իմ քայլը» խմբակցության անդամների հետ։
Ինչպես հայտնում են հայկական ԶԼՄ–ները, երկուշաբթի երեկոյան կարող է կայանալ Արցախի նախագահ Բակո Սահակյանի հանդիպումն «Իմ քայլը» խմբակցության պատգամավորների հետ Հայաստանի դատական համակարգի հարցով։
«Չեմ բացառում, որ Սահակյանը կարող է հանդիպել պատգամավորների հետ։ Երբ հանդիպումը կայանա, ինքներդ կտեսնեք»,– ասել է Բաբայանը` չնշելով կոնկրետ ժամկետներ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
