«Սահմանադրական իրավունք» միություն կուսակցությունը բանակցություններ չի վարում նախընտրական դաշինքների մասին. կուսակցության ղեկավար

ԵՐԵՎԱՆ, 27 հունվարի.  /Նովոստի-Արմենիա/. «Սահմանադրական իրավունք» միություն կուսակցությունը որևէ մեկի հետ բանակցություններ չի վարում նախընտրական դաշինքների ստեղծման մասին 2012 թվականի խորհրդարանական ընտրությունների նախաշեմին, ուրբաթ լրագրողներին հայտնեց կուսակցության ղեկավար Հայկ Բաբուխանյանը:

«Ներկայումս մենք որևէ բանակցություն չենք վարում ոչ Հայաստանի Հանրապետական կուսակցության, ոչ էլ այլ մեկի հետ»,- հայտնեց Բաբուխանյանը:

Ըստ նրա՝ դա չի խանգարում երկու կուսակցություններին համագործակցել ավելի քան 20 տարիների ընթացքում:

«Մեր համագործակցությունը բազմաթիվ փայլուն օրինակներ ունի: Միասին մենք մասնակցել ենք ընտրությունների, համաձայնագրեր ստորագրել: Մեր կուսակցությունների համար կարևորը գաղափարախոսական ընդհանրությունն է, որն արտահայտվում է ազգային գաղափարների պաշտպանության մեջ»,- նշեց Բաբուխանյանը: --0--