Երևանում կանցկացվեն Առնո Բաբաջանյանի 91-ամյա հոբելյանին նվիրված վավերագրական ֆիլմի պրեմիերան և համերգ

Լեգենդար հայ կոմպոզիտոր Առնո Բաբաջանյանի 91-ամյա հոբելյանին  նվիրված համերգը և նրա կյանքի ու ստեղծագործության մասին վավերագրական ֆիլմի պրեմիերան տեղի կունենա Երևանում, երկուշաբթի «Նովոստի-Արմենիա» գործակալությանը հայտնեց Հայաստանում Առնո Բաբաջանյանի հիշատակի միջազգային հիմնադրամի նախագահ Ժակ Հակոբյանը:

Նախօրեին լրացել է Բաբաջանյանի 91 տարին:

Ըստ Հակոբյանի՝ «հայկական հզոր խմբի»՝ Առնո Բաբաջանյանին, Էդվարդ Միրզոյանին, Ղազարոս Սարյանին, Ադամ Խուդոյանին և Ալեքսանդր Հարությունյանին նվիրված համերգի ընթացքում կհնչեն խորհրդային շրջանի հինգ լեգենդար հայ կոմպոզիտորների ստեղծագործությունները: Միջոցաումը տեղի կունենա հունվարի 28-ին Երևանի Կամերային երաժշտության տանը:

Ինչպես տեղեկացրեց Հակոբյանը, փետրվարի 13-ին Առնո Բաբաջանյանի անվան համերգասրահում տեղի կունենա «Առնո» վավերագրական ֆիլմի պրեմիերան, որը պատմում է ականավոր կոմպոզիտորի և դաշնակահարի կյանքի և ստեղծագործության մասին: Կինոժապավենի ռեժիսորն է Էդուարդ Համբարձումյանը:

Առնո Բաբաջանյանը ծնվել է 1921 թ.-ին, Երևանում, ուսուցչի ընտանիքում։ Իր առաջին երաժշտական ստեղծագործությունը գրել է դեռ ինը տարեկանում։

Ունենալով ակադեմիական երաժշտական կրություն և բազմաթիվ լուրջ ստեղծագործություններ՝ Առնո Բաբաջանյանը հիշվել է խորհրդային ժամանակների երգերի իսկապես հայտնի մեղեդիներով։

Նա աշխատել է այնպիսի հայտնի պոետների հետ, ինչպիսիք են Ռեգիստանը, Ռոժդեստվենսկին, Եվտուշենկոն, Ոզնեսենսկին, Դեմենտևը, Դոբրոնրավովը։

Կոմպոզիտորին հաջողություն և ճանաչում բերեցին Եվտուշենկոյի խոսքերի հիման վրա գրված երգերը («Մի շտապիր» 1963, «Սատանայի անիվ» 1968, «Քո հետքերը» 1975), Ոզնեսենսկու՝ («Սիրո տարի» 1974, «Մոսկվա-գետ» 1974, «Վերադարձրու ինձ երաժշտությունը» 1975, «Փարիզյան ձյուն» 1975), Դերբենևի՝ («Երկրագնդի լավագույն քաղաքը»  1964), Խարիտոնովի՝ («Հեռավոր ճանապարհ» 1975, «Անուններ» 1975)։

Քիչ չէ աշխատել կոմպոզիտորը նաև էստրադային երաժշտության, գործիքային ջազի, երաժշտաթատերական ժանրի բնագավառում։ Նա գրել է «Բաղդասար քեռի», «Հարսնացուն հյուսիսից», «Իմ սիրտը լեռներում է» մյուզիքլները։-0-