ԵՐԵՎԱՆ, 20 հունվարի. /Նովոստի-Արմենիա/. 2011 թվականի արդյունքներով «Հարավկովկասյան երկաթուղի» ՓԲԸ բեռնափոխադրումների ծավալը կազմեց 3269,4 հազար տոննա, ինչը 6,7%-ով գերազանցում է 2010 թվականին գրանցված ցուցանիշը, հայտնում է ընկերության մամուլի ծառայությունը:
«2011 թվականի ՀԿԵ բեռնափոխադրումների փաստացի ցուցանիշը 9,6%-ով գերազանցեց հունվար-դեկտեմբեր ամիսների համար նախատեսված ծավալը»,- ասվում է մամուլի հաղորդագրությունում:
Արտահանման հաղորդակցությունում ՀԿԵ-ի բեռնափոխադրումների ծավալը 2011 թվականին կազմել էր 449,8 հազար տոննա, ինչը 32%-ով գերազանցեց 2010 թվականի ցուցանիշը:
Ներմուծման հաղորդակցությունում 2011 թ. ընթացքում փոխադրվել էր 1351,1 հազար տոննա բեռ, ինչը 5,2%-ով պակաս է 2010 թ. ցուցանիշից:
Տեղական հաղորդակցությունում 2011 թվականի ընթացքում փոխադրվել է 1468,5 հազար տոննա բեռ, ինչը գերազանցում է 2010 թ. գրանցված ցուցանիշը 13,3%-ով:
Երկաթուղին ավելացնում է գործունեության հիմնական ցուցանիշները, այդ թվում՝ ավելացնելով նաև բեռնափոխադրումների ծավալների աճը: Նման արդյունքները վկայում են ընկերության ճկուն սակագնային քաղաքականության արդյունավետության մասին, ինչը բերում է բեռների արժեքում տրանսպորտային ծախսերի կրճատմանը:
«ՀԿԵ» ՓԲԸ-ն «Ռուսական երկաթուղիներ» ԲԲԸ-ի 100% դուստր ընկերությունն է և իրականացնում է «Հայկական երկաթուղիներ» ՓԲԸ-ի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով:-0-
