ՀՀ ԴԱՀԿԾ-ն ԵՊՀ-ն մտադիր են կադրերի վերապատրաստման գծով փոխըմբռնման հուշագիր ստորագրել

Հայաստանի արդարադատության նախարարության Դատական ակտերի հարկադիր կատարման ծառայությունը և Երևանի պետական համալսարանը մտադիր են Փոխըմբռնման հուշագիր ստորագրել, չորեքշաբթի լրագրողներին ասաց գերատեսչության ղեկավար Միհրան Պողոսյանը:

«Մենք Փոխըմբռնման հուշագրի ստորագրում ենք նախաձեռնել Երևանի պետական համալսարանի իրավաբանական ֆակուլտետի հետ»,- ասաց Պողոսյանը: Նա նշեց, որ բուհում կպատրաստվեն ապագա հարկադիր կատարողները և ավելացրեց, որ այդ հարցը բավականին լուրջ է դրվել:

Գերատեսչության ղեկավարը նշեց նաև, որ այսօր ապագա հարկադիր կատարողներն աշխատանքի ընդունվելուց առաջ երեք ամսից ոչ պակաս նախապատրաստական դասընթացներ են անցնում ԴԱՀԿԾ-ում, այդ թվում՝ մասնագիտական և հոգեբանական:

«Եթե երեք ամսում հայցորդներին հաջողվում է համապատասխանել այն բոլոր պայմաններին, որոնք անհրաժեշտ են աշխատանքի ընդունվելու համար, ապա նրանք քննություն և հարցազրույց են անցնում»,- ասաց Պողոսյանը, հավելելով, որ նախապատրաստական գործընթացը կարող է տևել մինչև երկու տարի:

Նա նշեց, որ հարկադիր կատարողը, նախևառաջ, պետք է կարողանա որոշել մարդկանց հոգեբանական վիճակը՝ ընդգծելով, որ հարկադիր կատարողներ են աշխատում նաև կանայք, որոնց աշխատանքի արդյունավետությունը, հաճախ, շատ բարձր է: -0-