ՀՀ արդարադատության նախարարության աշխատակիցներն անվճար անգլերեն կսովորեն

Հայաստանի արդարադատության նախարարության աշխատակիցների համար երկուշաբթի օրվանից Անգլերենի անվճար դասընթացներ են սկսվել, «Նովոստի-Արմենիա» գործակալությանը հայտնեցին գերատեսչության մամուլի ծառայությունից:

Ավելի վաղ արդարադատության նախարար Հրայր Թովմասյանը խոստացել էր, որ նման պարապմունքներ կկազմակերպվեն:

Պարապմունքների մասնակցության հայտեր են ներկայացրել 43 աշխատակիցներ, ովքեր ընդգրկված են անգլերեն լեզվի կատարելագործման տարբեր խմբերում՝ իմացության մակարդակին համապատասխան:
Պարապմունքները կանցկացվեն աշխատանքային օրվա վերջում՝ գերատեսչության շենքում: -0-