ԵԽԽՎ համազեկուցողները դիտարկման նպատակով հունվարի 16-17-ը կժամանեն Հայաստան

Եվրոպայի խորհրդի խորհրդարանական վեհաժողովի (ԵԽԽՎ) համազեկուցողներ Ջոն Պրեսկոտը և Ալեքս Ֆիշերը հունվարի 16-17-ը կլինեն Հայաստանում՝ դիտարկում անցկացնելու և փաստահավաքության համար, ասվում է ԵԽ կայքում:

Հաղորդագրության համաձայն՝ համազեկուցողների այցի ժամանակ նախատեղված են նրանց հանդիպումները Հայաստանի նախագահ Սերժ Սարգսյանի, ԱԺ խոսնակ Սամվել Նիկոյանի, ԱԳ նախարար Էդվարդ Նալբանդյանի, արդարադատության նախարար Հրայր Թովմասյանի, ինչպես նաև ԿԸՀ ղեկավար Տիգրան Մուկուչյանի հետ:

Համազեկուցողները կհանդիպեն նաև քաղաքական կուսակցությունների, հասարակական կազմակերպությունների և ԵԽԽՎ-ում Հայաստանի պատվիրակության հետ:

Կողմերը, մասնավորապես, կքննարկեն N1837 բանաձևը՝ 2008թ. մարտյան իրադարձությունենրի ժամանակ 10 զոհերի մահվան հանգամանքների քննության մասին, ոստիկանություն բողոքներ ներկայացնելու անկախ մեխանիզմների ստեղծումը և ոստիկանության նկատմամբ հասարակության վերաբերմունքի հաստատումը:

Կողմերը կքննարկեն նաև 2012թ. խորհրդարանական ընտրությունների նախապատրաստման և դիտարկման համար մյուս կարևոր հարցերը:--0--