Հրազդանի ՋԷԿ-ի հինգերորդ էներգաբլոկը (Հրազդան-5) հունվարի 15-ից կընդգրկվի Հայաստանի էներգահամակարգում բեռնվածության ժամանակացույցում, հաղորդում է «ԱՌԿԱ» գործակալությունը՝ հղում անելով «ՀայՌուսգազարդ» ՓԲԸ-ի մամուլի ծառայությանը, որը ներկայացնում է երեքշաբթի կայացած ընդլայնված նիստի արդյունքները:
«ՀայՌուսգազարդը» շինմոնտաժային աշխատանքներ է իրականացնում Հրազդան-5 էներգաբլոկում, էներգաբլոկի վերականգնման ներդրումային ծրագիրը, վերջին տվյալներով, գնահատվում է 456 մլն դոլար:
Ինչպես նշվել է խորհրդակցության ընթացքում, 2011 թվականի դեկտեմբերի վերջին Հրազդան-5-ում իրականացվել է կայանի էներգաբլոկի համալիր փորձարկում, որն անցկացվել է 72 ժամվա ընթացքում սարքավորումների՝ լարվածության պայմաններում անընդմեջ աշխատանքի պայմաններում, իսկ ներկայում կայանը փորձարարական –արդյունաբերական շահագործման փուլում է:
«ՀայՌուսգազարդ» ՓԲԸ-ի վարչության նախագահ, գլխավոր տնօրեն Վարդան Հարությունյանը նշեց, որ 2011 թվականն ընկերության գործունեության և դինամիկ զարգացման առումով հատկապես կարևոր է «Հրազդան-5»-ի շինարարական ծրագրի ավարտի և արդիականացման տեսանկյունից:
Ավելի վաղ Հայաստանի էներգետիկայի և բնական պաշարների նախարար Արմեն Մովսիսյանը հայտարարել էր, որ «Հրազդան-5»-ը շահագործման պատրաստ կլինի 2012 թվականի հունվարին:
Հրազդան-5-ում ներդրվում է շոգետուրբինների և գազատուրբինների համադրման տեխնոլոգիա, ինչը կառուցվածքը բացառիկ կդարձնի ոչ միայն տարածաշրջանում, այլ նաև աշխարհում: Էներգաբլոկի հզորությունը տվյալ տեխնոլոգիայի շնորհիվ կկազմի 480 ՄՎտ:
Ներկայում Հրազդան-5-ում արտադրվոլիք էլեկտրաէներգիայով հետաքրքրված են Թուրքիան և Իրանը: -0-
