ՀՀ նախագահը հաստատել է ՀՀ քաղաքացիական պաշտպանության հայեցակարգը

ԵՐԵՎԱՆ, 29 դեկտեմբերի. /Նովոստի-Արմենիա/. Նախագահ Սերժ Սարգսյանի կարգադրությամբ հաստատվել է Հայաստանի Հանրապետության քաղաքացիական պաշտպանու­թյան հայեցակարգը, հինգշաբթի «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից:

Մամուլի հաղորդագրության համաձայն՝ ՀՀ կառավարությանը հանձնարարվել է եռամսյա ժամկետում մշա­կել և հաստատել ՀՀ քաղաքացիական պաշտպանու­­թյան հայեցակարգից բխող միջոցառումների ծրագիրը:

Իսկ Ազգային անվտանգության խորհրդի աշխատակազմին հանձնարարվել է՝ յուրաքանչյուր կիսամյակ ՀՀ նախագահին ներկայացնել ամփոփ տեղեկատվություն ՀՀ քաղաքացիական պաշտպանության հա­յեցակարգի և դրա դրույթների իրականացման նպատակով ընդունված միջոցա­ռում­ների ծրագրի իրականացման վերաբերյալ:-0-