ՀՀ ԱԺ խոսնակը աշխատանքային այցով մեկնել է Ղարաբաղ

ՀՀ ԱԺ նախագահ Սամվել Նիկոյանի գլխավորած պատվիրակությունը երկուշաբթի երկօրյա աշխատանքային այցով մեկնել է ԼՂՀ, հաղորդում է խորհրդարանի մամուլի ծառայությունը:

«Պատվիրակության կազմում են ՀՀ ԱԺ ‎ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը, ԱԺ պատգամավորներ Ռուբեն Գևորգյանը, Գագիկ Գևորգյանը և Արմեն Մարտիրոսյանը», - նշվում է տեղեկատվության մեջ:

Ստեփանակերտում ՀՀ ԱԺ նախագահը հանդիպումներ  կունենա ԼՂՀ նախագահ Բակո Սահակյանի, ԼՂՀ Ազգային ժողովի  նախագահ Աշոտ Ղուլյանի և ԼՂՀ ԱԺ պատգամավորների հետ:

Ըստ տեղեկատվության՝ ՀՀ ԱԺ նախագահը և պատվիրակության անդամները կայցելեն  Ստեփանակերտի քաղաքային  հուշահամալիր, ծաղկեպսակ կդնեն  եղբայրական գերեզմանին:-0-