430.54
7.67
408.56
+18
Եղանակը Երևանում
Հայ

Հայաստանի և Ադրբեջանի հոգևոր առաջնորդներն ղարաբաղյան հակամարտության խաղաղ կարգավորմանն այլընտրանք չեն տեսնում

14:47
28 Նոյեմբերի 2011

Ամենայն Հայոց Գարեգին Երկրորդ Կաթողիկոսն ու Կովկասի մահմեդականների վարչության նախագահ (Ադրբեջան) Շեյխ-Ուլ-Իսլամ Ալլահշուքյուր Փաշազադեն, ովքեր երկուշաբթի Երևանում մասնակցում են ԱՊՀ երկրների միջկրոնական խորհրդի նախագահության նիստին, նշել են, որ որևէ այլընտրանք չեն տեսնում ղարաբաղյան հակամարտության խաղաղ կարգավորմանը:

Կովկասի մահմեդականների վարչության նախագահ (Ադրբեջան) Շեյխ-Ուլ-Իսլամ Ալլահշուքյուր Փաշազադեի խոսքերով՝ ղարաբաղյան հակամարտության հետևանքները ծանր բեռի նման ընկած են հայ և ադրբեջանցի ժողովուրդների ուսերին, այդ պատճառով խաղաղ ճանապարհով հակամարտության լուծման համար պետք է շարունակվեն ջանքերը ինչպես կրոնական, այնպես էլ միջազգային մակարդակներում:

«Մենք ամողջովին աջակցում ենք ԵԱՀԿ ՄԽ մասնակից-երկրների, ինչպես նաև մեր երկրների (Հայաստան և Ադրբեջան) նախագահների ջանքերին, որոնք ուղղված են հակամարտության խաղաղ կարգավորմանը», - ասել է Փաշազադեն:

Ադրբեջանի հոգևոր առաջնորդը նշել է, որ կրոնական գործիչները պետք է գործադրեն բոլոր ջանքերը՝ հակամարտությունը ոչ ռազմական ճանապարհով լուծելու համար: «Մենք պետք է հասնենք հայ-ադրբեջանական հակամարտության խաղաղ և արդար կարգավորմանը միջազգային իրավունքի շրջանակներում», - ավելացրել է նա:

Փաշազադեն շնորհակալություն է հայտնել Մոսկվայի և Համայն Ռուսիո Կիրիլ Պատրիարքին՝ Հայաստանի և Ադրբեջանի հոգևոր առաջնորդների միջև երկխոսությանը մշտապես աջակցելու համար, ինչի արդյունքում կանխվել են ղարաբաղյան հակամարտությունը միջկրոնական դիմակայության վերածելու փորձերը:

Ամենայն Հայոց Գարեգին Երկրորդ Կաթողիկոսն իր հերթին նշել է, որ Հայաստանի և ԼՂՀ-ի բարձրագույն ղեկավարությունը բազմիցս հաստատել է բոլոր հարևան պետությունների հետ խաղաղությունն ու համագործակցությունն ամրապնդելու ձգտումը:

«Այդ քաղաքականության վկայությունն առանց նախապայմանների Թուրքիայի հետ հարաբերությունների կարգավորման փորձն է, որը հաջողությամբ չպսակվեց Թուրքիայի կողմից ժխտողականության քաղաքականության պատճառով», -նշել է Կաթողիկոսը:

Կաթողիկոսը նաև ընդգծել է, որ այսօր աշխարհը կանգնած է նոր մարտահրավերների առջև՝ գլոբալացում, տնտեսական ճգնաժամ, Հյուսիսային Աֆրիկայի և Մերձավոր Արևելքի իրադարձությունները, հակամարտություններ:

«Այս ամենը հաճախ վտանգում է բարոյական արժեքները, և հաճախ բարգավաճման կողքին ծայրահեղ աղքատություն է: Այդ պատճառով մենք (հոգևոր առաջնորդները) պետք է միասին փնտրենք հակամարտությունների լուծման ուղիները: Խաղաղությանն այլընտրանք չկա, ցանկացած հակամարտություն պետք է կարգավորվի խաղաղ բանակցությունների միջոցով՝ մարդու իրավունքների և միջազգային իրավունքի դրույթների պահպանմամբ», - նշել է նա

ԱՊՀ երկրների միջկրոնական խորհրդի նախագահության նիստն անցկացվում է Երևանում նոյեմբերի 28-29-ը՝ Մոսկվայի և Համայն Ռուսիո Կիրիլ Պատրիարքի ու ԱՊՀ երկրների ավանդական կրոնների (քրիստոնեություն, իսլամ, հուդայականություն, բուդդիզմ) առաջնորդների և ներկայացուցիչների մասնակցությամբ:

Նիստի շրջանակներում նախատեսված է Ամենայն Հայոց Գարեգին Բ Կաթողիկոսի, Մոսկվայի և Համայն Ռուսիո Կիրիլ Պատրիարքի և Կովկասի մահմեդականների վարչության նախագահ Շեյխ-Ուլ-Իսլամ Ալլահշուքյուր Փաշազադեի եռակողմ հանդիպումը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:54
24 Հունիսի 2022
Ալիևը հայտարարել է,թե ՀՀ–ն չի արձագանքել խաղաղության պայմանագրի շուրջ առաջարկներին. Միրզոյանը պատասխանել է նրան
Ալիևը հայտարարել է,թե ՀՀ–ն չի արձագանքել խաղաղության պայմանագրի շուրջ առաջարկներին. Միրզոյանը պատասխանել է նրան
11:18
23 Հունիսի 2022
ԱՄՆ նախագահն առաջարկել է Քրիստինա Ա. Քվինի թեկնածությունը ՀՀ–ում ԱՄՆ դեսպանի պաշտոնում
Ջո Բայդենն առաջարկել է Քրիստինա Ա. Քվինի թեկնածությունը ՀՀ–ում ԱՄՆ արտակարգ և լիազոր դեսպանի պաշտոնում
16:02
22 Հունիսի 2022
Զախարովան մեղադրեց Վաշինգտոնին և Փարիզին ԵԱՀԿ ՄԽ մանդատն արհամարհելու մեջ
Զախարովան մեղադրեց Վաշինգտոնին և Փարիզին ԵԱՀԿ ՄԽ մանդատն արհամարհելու մեջ
13:40
16 Հունիսի 2022
Հսկայական արդյունք ենք ունեցել` վրանները տեղադրելով. Սաղաթելյանը պարզաբանեց վրաններն ապամոնտաժելու պատճառը
Հսկայական արդյունք ենք ունեցել` վրանները տեղադրելով. Սաղաթելյանը պարզաբանեց վրաններն ապամոնտաժելու պատճառը
16:54
10 Հունիսի 2022
ՀԱՊԿ պատասխանատվության գոտում իրավիճակն այնքան էլ կայուն չէ. Փաշինյանը՝ ՀԱՊԿ ԱԳ նախարարների խորհրդի նիստի մասնակիցներին
ՀԱՊԿ պատասխանատվության գոտում իրավիճակն այնքան էլ կայուն չէ. Փաշինյանը՝ ՀԱՊԿ ԱԳ նախարարների խորհրդի նիստի մասնակիցներին
22:21
08 Հունիսի 2022
ԱՄՆ Պետդեպ. Երևանն ու Բաքուն հնարավորություն ունեն առաջ շարժվել հարաբերությունների կարգավորման հարցում
ԱՄՆ-ն հայտարարում է, որ Հայաստանն ու Ադրբեջանը այժմ հնարավորություն ունեն առաջ շարժվելու հարաբերությունների կարգավորման գործընթացում
13:56
08 Հունիսի 2022
Հայաստան կայցելի ԱՄՆ փոխպետքարտուղարի տեղակալը
Հունիսի 8-ից 9-ը Հայաստանում կլինի ԱՄՆ փոխպետքարտուղարի տեղակալ Կառա ՄաքԴոնալդը
13:38
08 Հունիսի 2022
Լավրովը կժամանի Հայաստան
Լավրովը կժամանի Հայաստան
20:24
03 Հունիսի 2022
Լավրովը կայցելի Երևան
ՌԴ ԱԳ նախարար Սերգեյ Լավրովը կայցելի Երևան
17:57
01 Հունիսի 2022
Տարածքային կառավարման և ենթակառուցվածքների նախարարը մեկնաբանել է ՀՀ-Ադրբեջան սահմանազատման հարցերով հանձնաժողովի առաջին հանդիպումը
Տարածքային կառավարման և ենթակառուցվածքների նախարարը մեկնաբանել է ՀՀ-Ադրբեջան սահմանազատման հարցերով հանձնաժողովի առաջին հանդիպումը
13:56
31 Մայիսի 2022
Ալիևը Պուտինին պատմել է Փաշինյանի հետ հանդիպման մասին
Ալիևը Պուտինին պատմել է Փաշինյանի հետ հանդիպման մասին