Հայաստանում ստեղծվել է ռուսական բուհերի մասնաճյուղերի ուսանողների ասոցիացիա

ԵՐԵՎԱՆ, 14 նոյեմբերի. /Նովոստի-Արմենիա/. Հայաստանում ռուսական բուհերի մասնաճյուղերի ուսանողների ասոցիացիայի հիմնադիր ժողովն է տեղի ունեցել «Ռոսոտրուդնիչեստվո» դաշնային գործակալության ներկայացուցչությունում, երկուշաբթի հաղորդում է կառույցի մամուլի ծառայությունը:

«Կես տարի ժամկետով Ասոցիացիայի նախագահ էր ընտրվել ՄՏՎԻ ԵՄ «Հակաճգնաժամային կառավարում» ֆակուլտետի երկրորդ կուրսի ուսանողուհի Եկատերինա Մարտիրոսյանը»,- ասվում է հաղորդագրության մեջ:

Նիստի ընթացքում Հայաստանի ռուսական բուհերի մասնաճյուղերի՝ Զբոսաշրջության ռուսական միջազգային ակադեմիայի մասնաճյուղ՝ Զբոսաշրջության հայկական ինստիտուտի, Մոսկվայի Էկոնոմիկայի, վիճակագրության և ինֆորմատիկայի պետական ինստիտուտի, Սանկտ-Պետերբուրգի Արտաքին տնտեսական կապերի, տնտեսության և իրավունքի ինստիտուտի, Մոսկվայի Ձեռներեցության միջազգային ակադեմիայի, Մոսկվայի Բիզնեսի և իրավունքի ինստիուտսի և Զբոսաշրջության և ծառայության ռուսական պետական համալսարանի մասնաճյուղերի  ակտիվիստները քննարկել են Ասոցիացիայի նպատակներն ու խնդիրները, հաստատել են կազմակերպության աշխատանքի կառուցվածքային կանոնակարգը:

Ողջունելով ժողովի մասնակիցներին՝ Ռոսսոտրուդնիչեստվոյի ներկայացուցչության ղեկավար, Հայաստանում ՌԴ դեսպանատան խորհրդական Վիկտոր Կրիվոպուսկովը նշել է բազմաթիվ հասարակական նշանակություն ունեցող խնդիրների լուծման, Հայաստանի և Ռուսաստանի դաշնակցային հարաբերությունների բոլոր ոլորտների զարգացման համար ռուսական կրթական ծառայությունների համակարգի դերը բարձրացնելու համար ուսանողների համախմբան նախաձեռնության կարևորությունը: -0-