«Գիշերային սաֆարի» կհայտնվի Երևանի կենդանաբանական այգում

Նոր հատակագծի համաձայն՝ երևանյան կենդանաբանական այգում «գիշերային սաֆարիի» գոտի կհայտնվի, ուրբաթ մամուլի ասուլիսի ժամանակ հայտնեց հատակագծի մշակմանը մասնակցող կենդանաբանական այգիների դիզայներ Դևիդ Հենքոքսը:

Հենքոքսը նշեց, որ նախատեսվում է զվարճանքների համար նախատեսված էկո գոտու կառուցումը, որտեղ հնարավոր կլինի զբոսախնջույքներ, արշավներ անցկացնել, ձիարշավարան կկառուսվի, ընդ որում այդ ամենը կգործի երեկոյան ժամերին:

«Կենդանիների մի քանի տեսակներ առավել ակտիվ են գիշերային ժամերին, և մենք մարդկանց հնարավորություն կընձեռենք անձամբ հետևել նրանց»,- ասաց նա:

Գլխավոր հատակագծի մշակումն անվճար իրականացվում է միջազգային մակարդակի մասնագետների խմբի կողմից, որոնց թվում են՝ «Արտիս» Ամստերդամի թագավորական կենդանաբանական այգու տնօրեն Հայկ Բալյանը, Սինգապուրի կենդանաբանական այգու նախկին տնօրեն, հայտնի նախագծող Բեռնարդ Հարիսոնը, «Բեռնարդ Հարիսոն և ընկերներ» ընկերության համասեփականատեր Թինա Լիմ Լոնգը, կենդանաբանական այգիների դիզայներ Դևիդ Հենքոքսը, լանդշաֆտային ճարտարապետ Թայս դե Զեունը, լույսի դիզայներ Սայմոն Կորդերը:

Երևանի պետական կենդաբանական այգին հիմնադրվել է 1941թ.-ին: Ներկայումս կենդանաբանական այգու բնակիչների տեսակների և քանակի հաշվառում է անցկացվում: -0-