«Թեժ գիծը» և առցանց քարտեզը կտեղեկացնեն Հայաստանի ճանապարհների իրավիճակի մասին

ՀՀ տրանսպորտի և կապի նախարարությունում հանրապետության ավտոճանապարհների վերաբերյալ տեղեկատվություն ստանալու համար գործում է թեժ գիծ` 56.25.33 հեռախոսահամարով, հաղորդում է գերատեսչության մամուլի ծառայությունը:

Հաղորդագրության համաձայն, բացի այդ, նոյեմբերի 15-ից նախարարության պաշտոնական կայքէջում կտեղադրվի ճանապարհների իրավիճակը նկարագրող քարտեզ:

«ՀՀ տրանսպորտի և կապի նախարար Մանուկ Վարդանյանի` վրացական կողմի հետ ձեռք բերված պամանավորվածության համաձայն,  նախարարության կայքի առաջին էջում, տեսանելի հատվածում արդեն տեղադրված է Վրաստանի հանրապետության ավտոճանապարհների, այդ թվում` Վերին Լարսի անցակետի վերաբերյալ տեղեկատվություն` Վրաստանի ճանապարհների դեպարտամենտի էլեկտրոնային հասցեն եւ հեռախոսահամարը»,- նշվում է հաղորդագրության մեջ:

Հանրապետության ԱԻՆ պաշտոնական կայքում ուրբաթ տեղադրված տեղեկատվության համաձայն, առաջիկա երկուշաբթի օրը Հայաստանի երեք մարզերում՝ Լոռու, Տավուշի և Սյունիքի, ինչպես նաև Լեռնային Ղարաբաղում, սպասվում է առատ ձյուն և մերկասառույց: -0-