Հայաստանի փոխարտգործնախարարը և ԵԱՀԿ-ում երկրի ներկայացուցիչը կփոխանակեն պաշտոնները. թերթ

ԵՐԵՎԱՆ, 23 սեպտեմբերի. /Նովոստի-Արմենիա/. ԵԱՀԿ-ում Հայաստանի ներկայացուցիչ Աշոտ Հովակիմյանին կփոխարինի Հայաստանի փոխարտգործնախարար Արման Կիրակոսյանը, հաղորդում է «Ժողովուրդ» թերթը` հղում անելով սեփական աղբյուրներին:

Հովակիմյանն, իր հերթին, կզբաղեցնի արտգործնախարարի տեղակալի պաշտոնը:

Ինչպես նշում է թերթը, նման տեղափոխության պատճառն այն է, որ ադրբեջանական պատվիրակությունը ԵԱՀԿ առաջիկա նիստի օրակարգում ընդգրկել է ղարաբաղյան կարգավորման հերթական հարցը, ինչի մասին Հովակիմյանը չի իրազեկել Հայաստանի ԱԳՆ-ին:

«Այդ մասին գրել են նույնիսկ ադրբեջանական ԶԼՄ-ները, իսկ նա զբաղվել է հարցով միայն այն բանից հետո, երբ Երևանից հանձնարարել են կարգավորել այդ հարցը»,- նշում է թերթը: -0-