Երևանի ոստիկանությունը ձերբակալել է Մյասնիկյանի պողոտայում ծանր հանցագործություն կատարելու մեջ կասկածվող անձանց

Ոստիկանությունն ուրբաթ  ձերբակալել է Մյասնիկյանի պողոտայում ծանր հանցագործություն կատարելու մեջ կասկածվող մի խումբ անձանց, հայտնեց Հայաստանի Ոստիկանության մամուլի քարտուղարի օգնական Արմեն Մալխասյանը:

Նա չնշեց ձերբակալվածների անուններն ու կատարվածի մանրամասները` հավելելով, որ մանրամասն տեղեկությունը կհրապարակվի ավելի ուշ:

Կատարվածի կապակցությամբ առավոտից արգելափակված է Երևանի հյուսիսը կենտրոնական հատվածի հետ միացնող Մյասնիկյան պողոտայի տրանսպորտի երթևեկը:

Փաստով քննություն է կատարվում: -0-