Իսպանիայում հետախուզման մեջ գտնվող ՌԴ քաղաքացի է բերման ենթարկվել Երևանի «Զվարթնոց» օդանավակայանից. ոստիկանություն

Սպանության մեղադրանքով ավելի քան ինը տարի առաջ Իսպանիայում հետախուզման մեջ գտնվող ՌԴ քաղաքացի է բերման ենթարկվել նախօրեին Երևանի «Զվարթնոց» օդանավակայանից, հաղորդվում է ՀՀ ոստիկանության կայքում:

Ինչպես նշվում է տեղեկատվության մեջ, ժամը 19.00-ին  ոստիկանության ծառայողները «Զվարթնոց» օդանավակայանից  բերման են ենթարկել ՌԴ քաղաքացի, Կրասնոդարի երկրամասի բնակիչ, 32-ամյա Ավգուստին Ավակյանին:

Նա 2002 թ. հուլիսի 15-ից Իսպանիայի Թագավորությունում Ինտերպոլի ԱԿԲ կողմից հետախուզվում էր սպանության  մեղադրանքով:-0-