Լեռնային Ղարաբաղի Հանրապետության բնակչության աճը կարող է ղարաբաղյան հակամարտության կարգավորման հարցում շրջադարձային գործոն դառնալ, կարծում է Երևանի պետական լեզվաբանական համալասարանի ռեկտոր, փորձագետ Սուրեն Զոլյանը։
«Ուզում եմ մեկ կարևոր հարց ընդգծել, որն, ըստ իս, պետք է շրջադարձային դառնա։ Դա առաջին հերթին բնակչության թվի հետ կապված հարցն է»,- հինգշաբթի մամուլի ասուլիսի ժամանակ ասաց Զոլյանը։
Ըստ նրա՝ դրված նպատակներին հասնելու համար անհրաժեշտ է Ղարաբաղի բնակչության թիվը հասցնել մինչև 300 հազար մարդու։
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-
