Լիբիական սցենարի կրկնությունը Սիրիայում կարող է բացասաբար ազդել հայկական համայնքի վրա. փորձագետ

ԵՐԵՎԱՆ, 24 օգոստոսի. /Նովոստի-Արմենիա/. Լիբիական սցենարի կրկնությունը Սիրիայում կարող է բացասաբար ազդել այդ երկրի հայկական համայնքի վրա, հայտնեց Հայոց ցեղասպանության թանգարան-ինստիտուտի տնօրենի տեղակալ Սուրեն Մանուկյանը:

«Արտաքին ուժերի միջամտությունը Լիբիայի ներքին քաղաքականությանը մտահոգություն է առաջացնում, քանի որ կարող է Սիրիայում նմանատիպ միջամտության նախադեպ դառնալ: Այդ երկրում բնակվում են հսկայական թվով քրիստոնյա արաբներ, ալավիտներ, հայեր, դրուզեր: Հայկական համայնքը կազմում է մոտ 100 հազար մարդ»,- չորեքշաբթի մամուլի ասուլիսում հայտնեց Մանուկյանը:

Փորձագետն ընդգծեց, որ ներկայումս սիրիահայերը սատարում են նախագահ Բաշար Ասադի քաղաքականությանը, որի որոք հայկական համայնքն իրեն անվտանգ էր զգում, սակայն Ասադի ընդդիմախոսների՝ իշխանության գալուց հետո իրավիճակը հայերի համար կարող է փոխվել դեպի բացասականը:

Մանուկյանը միաժամանակ նշեց, որ Սիրիայում ընդդիմություն որպես այդպիսին գոյություն չունի, իսկ միակ ուժը, որը կարող է Ասադի ձեռքից խլել իշխանությունը, բանակն ու ֆունդամենտալիստներն են: -0-