ՀՀ Ոստիկանության համակարգի բարեփոխումներն են քննարկել գերատեսչության ղեկավարը և ԵԱՀԿ գրասնեյակի նախագահը

ԵՐԵՎԱՆ, 20 օգոստոսի. /Նովոստի-Արմենիա/. ՀՀ ոստիկանության պետ, ոստիկանության գեներալ-լեյտենանտ Ալիկ Սարգսյանն և ԵԱՀԿ Երևանյան գրասենյակի ղեկավար-դեսպան Սերգեյ Կապինոսն ուրբաթ կայացած հանդիպման ընթացքում քննարկեցին համակարգում ընթացող բարեփոխումների արդյունքները, հաղորդում է գերատեսչության պաշտոնական կայքը։  

Հանդիպման ընթացքում ոստիկանության պետը ներկայացրեց համակարգում ընթացող բարեփոխումների արդյունքներն ու առաջիկա ծրագրերը, բարեփոխումների իրականացմանն ուղղված միջոցառումները, կազմակերպչական խնդիրները:

Կապինոսը հետաքրքրվեց, մասնավորապես, համայնքային ոստիկանության  մոդելի ներդրման ընթացքով ու արձանագրված արդյունքներով, կրթական ծրագրերի և ոստիկանական կադրերի պատրաստմանն ուղղված այլ ձեռնարկների իրականացման աշխատանքներով:

Հանդիպման ավարտին  կողմերը հավաստեցին համագործակցությունն էլ ավելի  ընդլայնելու և խորացնելու իրենց պատրաստակամությունը:--0—