ԵՐԵՎԱՆ, 19 օգոստոսի. /Նովոստի-Արմենիա/. «Հարավկովկասյան երկաթուղի» ՓԲԸ-ում հունվար-հուլիս ամիսներին բարելավվել են լոկոմոտիվների և բեռնատար վագոնների շահագործման ցուցանիշները, հաղորդում է ընկերության մամուլի ծառայությունը:
Ինչպես նշվում է ընկերության մամուլի հաղորդագրության մեջ, վերջին վիճակագրական տվյալների համաձայն, բեռնատար վագոնի շրջանառությունն արագացել է անցյալ տարվա նույն ժամանակաշրջանի հետ համեմատ 0,2 օրով կամ 5,1%: Յոթ ամիսների համար նախատեսվող ցուցանիշի համեմատ փաստացի ցուցանիշը բարելավվեց 28,2%: Ըստ վիճակագրական տվյալների` մեկ վագոնի միջին շրջանառությունը կազմում է 3,9 օր:
Հունվար-հուլիսին 0,9 ժամով նախասեսվածի հետ համեմատ կրճատվել է նաև վագոնի պարապուրդի ժամանակը մեկ բեռնափոխադրումից առաջ՝ կազմելով 36,8 ժամ:
2011 թ. յոթ ամիսների ընթացքում բարելավվել են լոկոմոտիվների շահագործման ցուցանիշները: Մեկ լոկոմոտիվի միջին օրական վազքը կազմել է 337,6 կմ, ինչը 25,4% գերազանցում է 2010 թ. նույն ժամանակահատվածի ցուցանիշը և 13,1%՝ նախատեսվող ցուցանիշը:
Ինչպես արդեն նշել էր «Հարավկովկասյան երկաթուղի» ՓԲԸ գլխավոր տնօրեն Շևկետ Շայդուլլինը, ընկերությունը նման արդյունքների կարողացել է հասնել ենթակառուցվածքի և շարժակազմի արդիականացման, գնացքների անվտանգության ապահովման շնորհիվ: Այդ աշխատանքի մեջ առանցքային դեր է խաղացել «գործի մարդը»՝ իր աշխատանքային պարտականությունների կատարման նոր մոտեցումներով:
«2011-ը մեզ համար լինելու է երկաթուղու առանց կորուստների աշխատանքի տարի: Դա մեր թիվ մեկ խնդիրն է», - մեջբերում է մամուլի ծառայությունը Շայդուլլինի խոսքերը:
Նրա խոսքերով՝այդ ամենի համար այսօր լուծվում են մի շարք այդպիսի խնդիրներ, ինչպիսիք են, օրինակ, տրանսպորտային օրենսդրության ներդաշնակեցումը, ճկուն սակագնային քաղաքականությունը, ենթակառուցվածքի և շարժակազմի միջազգային ստանդարտներին համապատասխանեցումը:
Ընկերության ղեկավարը նշել է, որ 2011 թ.-ի անցած ամիսները երկաթուղու համար դարձել են բիզնես-գործընթացների արդյունավետության աճի, շահութաբերության և հզորությունների ավելացման ժամանակահատված:
«Հայկական երկաթուղիների» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵ-ն իր բալանսում ընդունել ՀԿԵ շարժակազմը 2008թ. հունիսի մեկից՝ «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0—
