«Արմենիա» ֆիրմային գնացքի ծառայություններից օգտվել է 13 հազար 317 ուղևոր

«Հարավկովկասյան երկաթուղի» ՓԲԸ Ուղևորափոխադրումների տնօրինության տվյալներով՝ օգոստոսի 1-ի դրությամբ «Արմենիա» ֆիրմային գնացքի ծառայություններից օգտվել է 13 հազար 317 ուղևոր, ինչը 20% գերազանցում է անցյալ տարվա ցուցանիշը, հաղորդում է «Հարավկովկասյան երկաթուղի» ՓԲԸ ուղևորափոխադրումների տնօրինությունը:

Ըստ ընկերության տվյալների՝ 2011 թ-ի հուլիսին «Արմենիա» ֆիրմային գնացքով տեղափոխվել է 11 հազար 895 ուղևոր, իսկ հունիսին՝ 1422 ուղևոր:

Երևան-Բաթումի-Երևան չվերթով գործող ամենօրյա ֆիրմային գնացքը մեկնարկեց հունիսի 15-ին: Գնացքի ուղևորները Հայաստանի մայրաքաղաքից հասնում են Բաթումի 16 ժամ 37 րոպեում, իսկ Բաթումից Երևան՝ 16 ժամ 55 րոպեում:

Այս տարի գնացքի տոմսերը վաճառվում են միջազգային գնացքների տոմսերի վաճառքի «Օրիոն» ավտոմատացված համակարգի օգնությամբ: Այն թույլ է տալիս բացառել տոմսերի կրկնակի վաճառքի դեպքերը և խուսափել հերթերից:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--