«Արմենիա» ֆիրմային գնացքի տոմսեր կարելի է ձեռք բերել նաև ԼՂՀ-ում

«Հարավկովկասյան երկաթուղի» ՓԲԸ «Արմենիա» ֆիրմային գնացքի տոմսերը այժմ կարելի է ձեռք բերել նաև Արցախում, հաղորդում է ընկերության մամուլի ծառայությունը։

Երևան-Բաթումի-Երևան ուղղությամբ «Արմենիա» ֆիրմային գնացքն ամառային արձակուրդային սեզոնին երթևեկում է ամեն օր։

«Հանրապետության բնակիչների հարմարության համար Ստեփանակերտում բացվել է ՀԿԵ-ի տոմսերի վաճառքի առաջին գրասենյակը, որը գործում է Թումանյան 95 հասցեով: Գրասենյակի հեռախոսներն են 97 20 20, 097 22 88 68:

Աշխատանքային օրերին գրասենյակը բաց է 9:00-19:00, իսկ շաբաթ օրերին՝ 9:00- 14:00»,- ասվում է հաղորդագրության մեջ։

Մամուլի ծառայությունից նշեցին, որ չնայած գրասենյակը պաշտոնապես բացվել է միայն երեկ, Արցախի բնակիչները արդեն իսկ մեծ հետաքրքրություն են ցուցաբերում «Արմենիա» գնացքի տոմսերի նկատմամբ: Արցախում վաճառքի համար հատկացված է 1000 տոմս, սակայն անհրաժեշտության դեպքում այս ծավալը կավելացվի:

«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100 դուստր ընկերություն և իրականացնում է «Հայկական երկաթուղիների» կոնցեսիոն կառավարումն: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով: -0-