«Հարավկովկասյան երկաթուղի» ընկերությունում շարունակվում է Ապրանքային գրասենյակների և առևտրային զննման կետերի տարին, որը հայտարարվեց բեռնափոխադրումների և առևտրային աշխատանքի կատարելագործման, հաճախորդներին տրամադրվող ծառայությունների զարգացման և բեռնափոխադրումներից ստացվող եկամուտների աճի նպատակով:
«Ապրանքային գրասենյակների և առևտրային զննման կետերի տարվա շրջանակներում անցնում է «Որակի և եկամուտների ավելացումը՝ որպես երկաթուղու հաջող աշխատանքի գրավական» մրցույթը, ինչպես նաև մրցույթներ գանձապահների և գնացքների և բեռների ընդունող-հանձնող անձնակազմի համար»,- «Նովոստի-Արմենիա» գործակալությանը հաղորդեցին ընկերության մամուլի ծառայությունից։
Բացի այդ, առևտրային կետերի աշխատակիցները նաև անցնում են պատրաստման, վերապատրաստման և որակավորման դասընթացներ, իսկ եկամուտների աճի և հաճախորդների հետ աշխատանքի ոլորտներում լավագույն արդյունքների հասած աշխատակիցները ստանում են դրամական խրախուսանք:
«Հաճախորդների որակյալ սպասարկումը, բեռնափոխադրումներից ստացվող եկամուտների աճը, բեռնափոխադրումների և առևտրային աշխատանքի արդյունավետ կառավարումը հանդիսանում են «ՀԿԵ» ՓԲԸ-ի առաջնահերթ խնդիրներ»,- նշվում է հաղորդագրության մեջ։
Այժմ բեռնափոխադրման տարբեր գործառույթներ են կատարվում ՀԿԵ-ի 36 կայարաններում, որոնք աստիճանաբար ապահովվում են անհրաժեշտ ժամանակակից սարքավորումներով և հաղորդակցության միջոցներով:
Անցյալ տարին ՀԿԵ-ում հայտարարվել է Կայարանների տարի:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100 դուստր ընկերություն և իրականացնում է «Հայկական երկաթուղիների» կոնցեսիոն կառավարումն: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով:-0-
