Ամերիկացի ռեժիսոր Բրեյդեն Քինգը խոստովանել է հայ լրագրողներին, որ իր նկարահանած «Այստեղ « ֆիլմը Հայաստանի հանդեպ տածած սիրո արդյունքն է։
Ամերիկացի քարտեզագիր Ուիլի Հայաստան կատարած ճանապարհորդության և հայուհի Կատարինայի հետ հոգևոր կապի մասին պատմող «Այստեղ» լիամետրաժ գեղարվեստական ֆիլմը ներգրավված է «Ոսկե ծիրան» երևանյան միջազգային ութերորդ կինոփառատոնի «Երևանյան պրեմիերաներ» ծրագրում։
«Ես կարող եմ իմ վերաբերմունքը Հայաստանի հանդեպ սիրահարվածության հետ համեմատել, երբ դու քիչ ես ճանաչում ինչ-որ մեկին, բայց ցանկացած գնով ձգտում ես պահպանել այդ կապը»,- չորեքշաբթի կինոփառատոնի շրջանակներում մամուլի ասուլիսի ժամանակ ասաց Քինգը։
Նա նշեց, որ իր առաջնահերթ մտահաղացումն ինչ-որ կինոճանապարհորդություն է եղել, կինոմատոգրաֆիական քարտեզի ստեղծումը, և ապագա ֆիլմի գործողության տեղը պետք է շատ օրիգինալ խառնվածք դառնար։
Քինգը պատմեց, որ դեռ 2004թ.-ից սկսել է աշխարհով ճանապարհորդել համապատասխան խառնվածք գտնելու համար, և հատկապես այդ ժամանակ է հայտնվել Հայաստանում։ «Երբ ես հայտնվեցի Հայաստանում, ինձ մոտ այնպիսի զգացողություն էր, որ մենք անմիջապես ճանաչեցինք միմյանց»,- խոստովանեց նա։
Ռեժիսորն ընդգծեց, որ իր մտադրությունների մեջ էր մտնում ոչ թե հոլիվուդյան կինոնկարի ստեղծումը, այլ դեպի անհայտոթյուն ճանապարհորդելը։
Նա հատուկ ընդգծեց, որ հաճույք է ստացել միջազգային դերասանական կազմի հետ աշխատելուց, որի կազմում էին ինչպես հայերը, այնպես էլ այլ ազգությունների ներկայացուցիչներ։
Նշելով երկրի յուրահատկությունները՝ ռեժիսորն ընդգծեց, որ իրեն գրավել է Արարատը, որը հայկական լինելով՝ գտնվում է սահմանի այլ կողմում, ինչպես նաև Ղարաբաղի տարածքը, որի սահմանը նույնպես դեռ վերջնական որոշված չէ։
Քինգը նշեց, որ կինոնկարը գեղարվեստական լինելով՝ իր մեջ պարունակում է վավերական կինոյի տարրեր, ինչը դրան առավել մեծ հավաստիություն է տալիս։
Ռեժիսորն ավելացրեց, որ ֆիլմի առաջին երկու ցուցադրումներն անցկացվել են անցած տարի արտերկրում՝ «Սանդենս» անկախ կինոյի ամերիկյան ազգային փառատոնի և Բեռլինյան կինոփառատոնի շրջանակներում և լայն արձագանք են ստացել։ 2010թ.-ի Բեռլինյան փառատոնին ֆիլմը հաղթող է ճանաչվել «Պանորամա» անվանակարգում։
«Ոսկե ծիրան» ութերորդ կինոփառատոնն անցկացվում է Երևանում հուլիսի 10-17-ը, որին մասնակցում է 150 ֆիլմ 45 երկրից:
«Ոսկե ծիրան» ամենամյա միջազգային կինոփառատոնը ամենահեղինակավորներից մեկն է տարածաշրջանում: 2010թ.-ին փառատոնը արժանացել է Կինոյի միջազգային միության, « Ficts Plate D’honneur 2010» հեռուստատեսության և սպորտի գլխավոր մրցանակին: -0-
