Հայաստանի երիտասարդ սպաների առաջին համաժողովը շաբաթ օր մեկնարկել է Երևանում: Ինչպես միջոցառման բացման ժամանակ հայտարարեց ՀՀ պաշտպանության նախարար Սեյրան Օհանյանը, երիտասարդ սպաների խնդիրները միշտ գտնվում են հանրապետության ղեկավարության ուշադրության կենտրոնում:
«Նման մասշտաբի համաժողովն առաջին անգամ է անցկացվում Հայկական բանակի գոյության 20 տարիների ընթացքում, և երկրի ղեկավարության մասնակցությունը վկայում է մեծ նշանակության մասին, որ երկրի իշխանությունները տալիս են ձեզ», - հայտարարեց նա:
Համաժողովի շրջանակներում սպասվում է ՀՀ նախագահ Սերժ Սարգսյանի ելույթը:
ՀՀ պաշտպանության նախարարը նշեց, որ հիմա Հայկական բանակում աննախադեպ բարեփոխումներ են անցկացվում, որոնք ուղղված են Զինված ուժերի զարգացմանը, և երիտասարդ սպայական կազմի կողմից առանց այս բարեփոխումների էության հստակ գիտակցման նրանց հաջողությունն անհնար է: «Այսօր մենք կարևորագույն որոշում ենք ընդունել՝ դեմքով թեքվել երիտասարդ սպային», - ընդգծեց Օհանյանը:
Նրա խոսքերով՝ շուրջ մեկ ամիս առաջ ավարտվել են Հայաստանի ռազմավարական պաշտպանական վերանայման աշխատանքները, որի շրջանակներում, մասնավորապես, նախատեսվում է ներդնել պայմանագրային սերժանտների նախապատրաստման հատուկ համակարգ, ինչը բացարձական նոր միտում կձևավորի և զգալիորեն կթեթևացնի սպայական կազմի աշխատանքը:
«Այս տարվա առաջին կիսամյակը մենք հայտարարեցինք բանակում կարգապահության ամրապնդման ժամանակաշրջան, և այս գործում չափազանց կարևոր է ձեր դերը, քանի որ դուք ամենամոտն եք կանգնած զինվորներին», - նշեց Օհանյանը:
Նախարարն ավելացրեց, որ կարգապահության բարձր մակարդակով տարբերվող ստորաբաժանումները կպարգևատրվեն: «Երիտասարդ սպայի կերպարն ու վարքագիծը պետք է օրինակելի լինեն, և դուք պետք է սպիտակ նախանձի օբյեկտ լինեք հասարակության կողմից», - ընդգծեց նա:
Միջոցառմանը մասնակցում են ՀՀ ԿԳ նախարար Արմեն Աշոտյանը, ՀՀ ԶՈւ գլխավոր շտաբի պետ Յուրի Խաչատուրովը, ՀՀ ԳԱԱ նախագահ Ռադիկ Մարտիրոսյանը, ԵՊՀ ռեկտոր Արամ Սիմոնյանը, բարձրագույն սպայական կազմի ներկայացուցիչներ, բարձրաստիճան պաշտոնյաներ:-0-
