ԵՐԵՎԱՆ, 6 հուլիսի. /Նովոստի-Արմենիա/. Սանկտ Պետերբուրգի նահանգապետ Վալենտինա Մատվիենկոյի հրավերով Երևանի քաղաքապետ Կարեն Կարապետյանը երկօրյա պաշտոնական այցով մեկնել է Սանկտ Պետերբուրգ, «Նովոստի-Արմենիա» գործակալությանը տեղեկացրեցին քաղաքապետարանի մամուլի ծառայությունից:
Այցի ընթացքում նախատեսվում են հանդիպումներ և բանակցություններ, որոնց շրջանակում կքննարկվեն Երևանի և Սանկտ Պետերբուրգի միջև համագործակցության զարգացմանն առնչվող հարցեր:
Նախատեսվում է նաև Երևանի քաղաքապետարանի և Սանկտ Պետերբուրգի կառավարության միջև առևտրատնտեսական, գիտատեխնիկական և հումանիտար ոլորտներում 2011-2014թթ. համագործակցության ծրագրի վավերացում:
Երևանի քաղաքաքապետի գլխավորած պատվիրակությունն այցի ընթացքում հանդիպումներ կունենա գործարար շրջանների և տեղի հայ համայնքի ներկայացուցիչների հետ:-0-
