Հայաստանի ֆուտբոլի ֆեդերացիան սկսել է հայտեր ընդունել ֆուտբոլային գործակալներ դառնալ և համապատասխան քննություններ հանձնել ցանկացողներից, հաղորդում է ՀՖՖ մամուլի ծառայությունը։
Թեկնածուները պետք է մինչև 2011 թվականի սեպտեմբերի 1-ը (ներառյալ) ներկայացնեն հետևյալ փաստաթղթերը (դիմում ՀՖՖ առաջին փոխնախագահ, գործադիր տնօրեն Ա. Մինասյանի անունով և ինքնակենսագրական/CV) Հայաստանի Ֆուտբոլի Ֆեդերացիա։
Ֆուտբոլի ֆեդերացիայի կայքում (ffa.am) բերված է կանոնադրությունների, կանոնակարգերի և կանոնների այն ցուցակը, որոնց իմացությունը հայտատուների համար պարտադիր է։
Նշված նյութերը կարելի է նեռբեռնել ՖԻՖԱ-ի պաշտոնական կայքից (www.fifa.com)։
Քննությունը կպարունակի նաև Հայաստանի ֆուտբոլի ֆեդերացիայի կանոնադրության, մրցաշարերի անցկացման կանոնակարգի, տրանսֆերների կարգավիճակի և ընթացակարգերի, կարգապահական կանոնակարգի վերաբերյալ հարցեր։
Այդ փաստաթղթերը կարելի է ստանալ ՀՖՖ մամուլի քարտուղարությունից։ -0-
