Հայ բռնցքամարտիկները հանդես կգան Թուրքիայում Եվրոպայի առաջնությանը. Բռնցքամարտի ֆեդերացիա

Յոթ հայ բռնցքամարտիկներ ելույթ կունենան Եվրոպայի առաջնությանը, որը տեղի կունենա հունիսի 16-26-ը Թուրքիայում, «Նովոստի-Արմենիա» գործակալությանը հայտնեց Հայաստանի հավաքականի գլխավոր մարզիչ Ռաֆիկ Մեհրաբյանը։

Ըստ նրա՝ առաջնությանը կմասնակցեն 49-75 կգ քաշային կարգի բռնցքամարտիկները, սակայն բռնցքամարտիկների անունները չի նշել՝ հնարավոր փոփոխությունների կապակցությամբ։

Նա նշեց, որ տվյալ պահին մարզիկները Արարատ քաղաքում հավաքների են մասնակցում, որը կտևի մինչև հունիսի 12-ը։

Մեհրաբյանն ավելացրեց, որ հունիսի 14-ին հավաքականը կմեկնի Եվրոպայի առաջնությանը։ -0-