Ուսանողին ծեծած դասախոսը կազատվի աշխատանքից. թերթ
11.11.2010,
10:52
Ուսանողին ծեծած դասախոսը կազատվի աշխատանքից. թերթ
Հայաստանի պետական տնտեսագիտական համալսարանում ուսանողին ծեծած դասախոս Սերգեյ Հովասափյանը կազատվի բուհի կարիերայի բաժնի պետի պաշտոնից, հինգշաբթի գրում է «Չորրորդ ինքնիշխանություն» թերթը։
Պարբերականի համաձայն, տվյալ հարցը լուծվել է համալսարանի ռեկտոր Յուրի Սուվարյանի ու կրթության և գիտության փոխնախարար Արա Ավետիսյանի հանդիպման ժամանակ։
Ավելի վաղ Հովասափյանը զրկվել էր միայն դասախոսական գործունեությունից՝ պահպանելով ՊՏՀ կարիերայի բաժնի պետի պաշտոնը։
Հովասափյանը սկանդալի կենտրոնում է հայտնվել այն պատճառով, որ թերթի տեղեկություններով, մաթեմատիկայի միջանկյալ քննության ժամանակ ծեծել է առաջին կուրսի ուսանող Հայկ Ավետիսյանին՝ կասկածելով, որ նա հուշաթերթիկ է օգտագործում։ -0-
Պատճենել հղումը
