«Ազնավուրը հայերեն» համերգային ծրագիրը կներկայացվի Երևանում

ԵՐԵՎԱՆ, 10 նոյեմբերի. /Նովոստի-Արմենիա/. «Ազնավուրը հայերեն» համերգային ծրագիրը կներկայացվի կիրակի օրը Երևանի Գաֆեսճյան արվեստի կենտրոնում, «Նովոստի-Արմենիա» գործակալությանը հայտնեցին կենտրոնի մամուլի ծառայությունից։

«Համերգային ծրագրի շրջանակներում կհնչեն Ազնավուրի՝ ինչպես ֆրանսերեն լեզվով, այնպես էլ հայերեն թարգմանությամբ երգեր։ Մենք ցանկանում ենք ներկայացնել մեծանուն հայի և ֆրանսիացի հայտնի երաժշտի ստեղծագործությունները հայերեն լեզվով»,- ասվում է հաղորդագրությունում։

Ծրագրի հեղինակներն են Վարդան Պետրոսյանը և Պերճ Թուրաբյանը։ Ազնավուրի ստեղծագործությունները կհնչեն հայտնի կատարող Ռադիկ Գաբրիելյանի, ինչպես նաև Hay Superstar մրցույթին մասնակցած երիտասարդ աստղերի կատարմամբ։

Շառլ Ազնավուրը (իսկական անունն է Շահնուր Վաղինակ Ազնավուրյան (Shahnour Varenagh Aznavurjian)) ծնվել է 1924թ. մայիսի 22-ին՝ Փարիզում՝ Հայաստանից տեղափոխվածների ընտանիքում։ Ազնավուրն առաջին ֆրանսիացի կատարողն էր, որը Եվրոպայում պլատինե սկավառակ ստացավ:-0-