Հայաստանը կանդամակցի Եվրոպական ռեգիոնների ասամբլեային

ՀՀ փոխվարչապետ Արմեն Գևորգյանը չորեքշաբթի մեկնեց Ստամբուլ` մասնակցելու Եվրոպական ռեգիոնների ասամբլեայի (AEF) տարեկան համաժողովի աշխատանքներին։

«Համաժողովի ընթացքում նախատեսվում է Հայաստանի անդամակցությունը Եվրոպական ռեգիոնների ասամբլեային»,- հաղորդում է Տարածքային կառավարման նախարարության հասարակայնության հետ կապերի բաժինը։

Համաժողովին Հայաստանի մասնակցության եւ Հայաստանի` կազմակերպությանն անդամակցելու վերաբերյալ պայմանավորվածության էր ձեռք բերվել ասամբլեայի նախագահ Միշել Սաբանի` սեպտեմբերին Հայաստան կատարած այցի ընթացքում:

Ստամբուլում փոխվարչապետը կհանդիպի  պոլսահայ համայնքի ներկայացուցիչների հետ: Ա. Գևորգյանը կայցելի նաև Պոլսի Հայոց պատրիարքարան, Ստամբուլի Սբ Փրկիչ հայկական հիվանդանոց, համայնքային այլ հաստատություններ:  

Եվրոպական ռեգիոնների ասամբլեան միավորում է  33 երկրի 270 ռեգիոն ու 16 միջազգային կազմակերպություն և հանդես է գալիս որպես եվրոպական  երկրների ռեգիոնների միջև համագործակցության, փորձի փոխանակման հարթակ: -0-