ՀՀ ոստիկանապետ Ալիկ Սարգսյանը մեկնել է Մոսկվա՝ երեքշաբթի Մոսկվայում կայանալիք Հավաքական անվտանգության պայմանագրի կազմակերպության անդամ-պետությունների ներքին գործերի նախարարների (ոստիկանության) խորհրդակցությանը մասնակցելու նպատակով, տեղեկացրեցին ՀՀ ոստիկանության մամուլի ծառայությունից:
ՀԱՊԿ քարտուղարության մամուլի ծառայության տեղեկատվության համաձայն, հանդիպման ընթացքում նախարարները կքննարկեն Ղրղզստանի Հանրապետությունում իրավիճակի կայունացմանն ուղղված առաջնահերթ միջոցների և հանցավորության դեմ պայքարի ոլորտում ՀԱՊԿ անդամ-պետությունների միջազգային պայմանագրի, նոր մարտահրավերներին և սպառնալիքներին ճգնաժամային արձագանքման գործնական մեխանիզմի մասին Հավաքական անվտանգության խորհրդի որոշումների իրագործումը, ինչպես նաև տեղեկատվական տեխնոլոգիաների ոլորտում անդրսահմանային հանցավորության դեմ պայքարում տեղեկատվության փոխանակման բնագավառում միջազգային համագործակցության հետագա զարգացումն ու արդիականացումը, կադրերի պատրաստմանն առնչվող հարցեր:-0-
