ՌԴ գլխավոր դատախազությունը կեղծ է անվանել ռուս քրեական խմբավորումների հետ Հայաստանի պաշտոնյաների կապերի մասին տեղեկատվությունը

Ռուսաստանի Դաշնության գլխավոր դատախազություն ՀՀ գլխավոր դատախազության հարցին պատասխան հաստատել է, որ տեղեկատվությունը ռուս քրեական խմբավորումների հետ երկրի պաշտոնյաների կապերի վերաբերյալ կեղծ է, տեղեկացնում է Հայաստանի գլխավոր դատախազության մամուլի ծառայությունը։

Աղվան Հովսեփյանը, ի պատասխան զանգվածային լրատվության միջոցների հարցումների՝ տեղեկացնում է, որ Ռուսաստանի Դաշնության գլխավոր դատախազություն հարցում է ուղարկել  2010 թվականի հոկտեմբերի 15-ին, Մինսկի Կոնվենցիայով սահմանված կարգով՝ կցելով «Հայկական ժամանակ» օրաթերթի 14.10.10թ համարի առաջին էջում տպագրված հոդվածը և դրա ռուսերեն թարգմանությունը:

«Ըստ հարցման, ՀՀ գլխավոր դատախազը խնդրել էր Ռուսաստանի գլխավոր դատախազին քննարկման առարկա դարձնել նշված հրապարակումը և տրամադրել տեղեկություններ թերթի «մատնանշած» քրեական գործերի վերաբերյալ, եթե իհարկե ընդհանրապես կան հարուցված նման քրեական գործեր»,- ասվում է հաղորդագրությունում։

Հոկտեմբերի 19-ին ՌԴ գլխավոր դատախազությունից պաշտոնական պատասախան է եկել, որի համաձայն ՌԴ գլխավոր դատախազությունը չի տիրապետում Ռուսաստանի տարածքում նշված  անձանց՝ հանցագործությունների մասնակցության նյութերի և նման տեղեկատվություն չունի։ 

Հաշվի առնելով հանրության հետաքրքրությունը ևս մեկ անգամ տեղեկացնում ենք, որ ո՛չ պաշտոնապես և ո՛չ էլ մասնավոր հանդիպումների ժամանակ  ՌԴ դատախազության  կողմից երբևէ որևէ հարց չի բարձրացվել ռուսական կրիմինալ խմբավորումների հետ ՀՀ բարձրաստիճան պաշտոնյաների ենթադրյալ համագործակցության մասին: Եվ ակնհայտ կեղծ ու մտացածին է օրաթերթի այն պնդումը, թե  ՌԴ  դատախազության պատասխանատուները ՀՀ գլխավոր դատախազին են ներկայացրել ՀՀ պաշտոնատար անձանց անուններից բաղկացած ինչ-որ ցուցակ, ովքեր մեղսակից են ՌԴ իրավապահների վարույթում քննվող տարբեր հանցագործությունների»,- ասվում է հաղորդագրությունում։

Տեղեկության ակնհայտ սուտ և մտացածին լինելու վերաբերյալ պատշաճ կարգով տեղյակ է պահվել նաև «Հայկական ժամանակ» օրաթերթը։ -0-