Հայաստանում ՌԴ ռազմակայանի վերաբերյալ պայմանագրի փոփոխությունները նվազեցնում են Ադրբեջանի հետ պատերազմի հավանականությունը
Հայաստանում ռուսական ռազմակայանի տեղակայման մասին պայմանագրում կատարված փոփոխությունները նվազեցնում են Ադրբեջանի կողմից ռազմական գործողությունների վերսկսման հավանականությունը, ասաց Գիտության, կրթության, մշակույթի, երիտասարդության և սպորտի հարցերով մշտական խորհրդարանական հանձնաժողովի նախագահ, Հայաստանի հանրապետական կուսակցության խմբակցության անդամ Արտակ Դավթյանը։
Հայաստանի հյուսիսում գտնվող Գյումրի քաղաքում 1995 թ.-ից տեղակայված է ռուսական 102-րդ ռազմակայանը, որը մարտական հերթապահություն է իրականացնում ԱՊՀ հակաօդային պաշտպանության միասնական համակարգի շրջանակներում: Բազան ՌԴ Հյուսիսկովկասյան ռազմական օկրուգի Անդրկովկասյան ռուսական զորախմբի ենթակայության տակ է գտնվում:
«Հայաստանի համար միանշանակ դրական է այն, որ նրա ռազմավարական գործընկերը պահպանում է իր դիրքերը Հարավային Կովկասում»,- ուրբաթ լրագրողներին ասաց Դավթյանը։
Քանի որ կայանը, բացի ՌԴ շահերի պաշտպանության գործառույթների իրականացումից, հայ զինվորականների հետ համատեղ ապահովում է Հայաստանի անվտանգությունը, ռուսական կողմը, փաստաթղթին համապատասխան, պարտավորվում է հայկական կողմը ժամանակակից սպառազինությամբ, ռազմական հատուկ տեխնիկայով ապահովել։ -0-
