Հայաստանի աջակցությունը ՀԱՊԿ ծրագրերի իրագործմանը գերազանց է գնահատվել

Հայաստանի աջակցությունը ՀԱՊԿ ծրագրերի իրագործմանը գերազանց է գնահատվել, ասաց ՀՀԿ խմբակցության անդամ Արտակ Դավթյանը, ով հայկական պատվիրակության կազմում մասնակցում էր ԱՊՀ և ՀԱՊԿ միջխորհրդարանական վեհաժողովի նիստերին:

ԱՊՀ և ՀԱՊԿ միջխորհրդարանական վեհաժողովի նիստերը գումարվել էին հոկտեմբերի 25-29-ը Սանկտ Պետերբուրգում:

«Նամն բարձր գնահատական հնչեց ինչպես ՀԱՊԿ գլխավոր քարտուղար Նիկոլայ Բորդյուժայի, այնպես էլ ՌԴ Պետդումայի խոսնակ Բորիս Գռիզլովի կողմից»,- ուրբաթ լրագրողներին ասաց Դավթյանը:

Նա նշեց, որ այցը բավական հաջող էր հայկական պատվիրակության համար, որի անդամները ոչ միայն մասնակցեցին նիստերին և զեկույցներով հանդես եկել, այլև ամփոփեցին կատարված աշխատանքի արդյունքները: «ՀԱՊԿ ԽՎ որոշումներից մեկում նշված էր մեր խորհրդարանական պատվիրակության կատարած դրական աշխատանքը»,- ասաց նա:-0-